1. Nayrajj Reinot janiw qhan amuyaskänti,

jichhajj uka toqet sum qhanstayatäjjew.

Diosajj cheqaparuw taqe kuns sum uñjejj,

pantjasirïpjjatas jupajj sum yatistojj.

Munat Yoqaparus Reyitwa uttʼayejj,

Cristojj niyaw oraqpachjjar apnaqanjjanejj.

Diosajj Corderotak mä novia wakichejj,

uka ajllitanakarojj jachʼañchaniw.

2. Kuntï Jehová Diosajj Reinot qhanañchkäna

uka toqet jichhajj yatiyasiñapaw.

Angelanakapas ukan yanaptʼistuw,

taqe jaqenakar yatiyapjjañasaw.

Diosan sutip qʼomachañas jachʼañchañas

kusiskañapuniw, uk sum phoqapjjañasaw.

Diosan Testigonakapajj taqe chuymaw

sutip jachʼañchasajj qhanañchapjjañasajj.