Walja jaqenakajja phajjsi tukuykam qollqep aguantañapatakejj sapüruw jan gastañataki chʼamachasipjje. Akapachana jan waltʼäwinaka utjatapajj jukʼampiw jan waltʼayi. ¿Kunatsa?

• Mä cheqan jan waltʼäwinakajj utjki ukhajja, manqʼañanakasa uta alquilerasa jukʼampiw jiljjatti.

• Trabajojj janiw utj-jjeti, trabajisajj jukʼa sueldokwa katoqapjje.

• Terremotonakasa, jachʼa thayanakasa, yaqha ukhamanakas utjki ukhajja, negocionaka, utanaka, yaqha ukhamanakwa jan waltʼayi. Ukatwa waljanejj pobreptapjje.

• Jumatï qollqem wali amuyumpi apnaqäta ukhajja, jan walinak utjkani ukar saykatañatakejj wakichtʼatäyätawa.

• Qollqenïñajj mä ratutakikiwa, ganasktan uka qollqesa, imasit qollqesa, utanakasa, yaqha ukhamanakasa, janiw pachpa valoranëjjaspati.

• Qollqempejj janiw taqe kunpun alksnati sañäni, familiasan kusisitäñapatakisa mayachtʼatäñapatakisa janiw alksnati.

Bibliajj akham siwa: “Jiwasantejj manqʼasa isisa utjaskchistojja, ukanakampejj kusisitakïskañäniwa” sasa (1 Timoteo 6:8).

Kusisitäñatakejja, janiw taqe kuntï munktan ukanakanïñapunejj wakiskiti. Jan ukasti kunanakatï jakañatak wakiski ukanïsajj kusisitakïñasawa. Jan qollqenïktan ukhajj uk amtañasaw wakisi.

Ukhaman uñjasisajj inas jan walja qollqe gastañatak chʼamachasiñajj wakischini. Jumatï jan paguirjamäkta ukanak aläta ukhajja, jukʼampikiw jan qollqenëjjäta.