¿Familiar respetañajj utjaskiti?
FAMILIAR RESPETAÑAJJ KUNATSA WALI IMPORTANTEJJA
Familia taypin respetojj utji ukhajja, espososa esposasa ukat wawanakasa segurokiw jikjjatasipjje, mayachtʼatäpjjarakiwa.
-
Siete reglas de oro para vivir en pareja sat librojj akham siwa, kunapachatï esposonakajj purapat respetasipjje ukhajj munasiñjja, “janiw jachʼa regalonakampipun uñachtʼayasipkiti, jan ukasti jiskʼa regalonakampis uñachtʼayasipjjarakiwa” (traducción de Sonia Tapia Sánchez).
-
Yatjjatasiwayki ukarjamajja, mayninakar respetir wawanakajj jukʼampiw jupanak pachpa munasipjje, awk taykapampis jukʼamp sumwa apasipjje, janirakiw sinti llakinakan uñjasipkiti.
KUNSA JUMAJJ LURASMA
Familiamampi respeto toqet parltʼam. Maya, respeto uñachtʼayañajj kamsañsa muni uk sumwa yatipjjañama. Paya, familianjja kunsa sapa maynejj lurapjjañama, kunsa jan lurapjjañamäkaraki uk taqeniw qellqtʼasipjjañama. Kimsa, familia taypin respeto utjañapatakejj kunsa lurapjjasma uka toqetwa parltʼapjjañama.
Yateqaskayäñamawa. Inas akham jisktʼaschisma: “¿Familiajajj pantjasi ukhajj uka pantjasitanakapat jiskʼachapuntti? ¿Kuntï amuyapki ukanakat burlasti? ¿Parlapkitu ukhajj jan istʼirit tuktjja, jan ukajj yaqhanak toqetti parltjja?” Jumaw nayraqat mayninakar respetañama, uk janipun armasimti.
Akwa lurasma: Familiamar respetañajj janis wakiskaspa ukhams amuychïtajja, respetañamajj wakisipuniwa.
Mä kunan janis acuerdopkchïtajja, respetojj utjañapapuniwa. Akham arunak arsuñajj janiw walïkiti: “Jumajj ukhampunwa…” jan ukajj “Jumajj janipuniw…”. Ukham arunakampejj familiaramarojj chuymwa ustʼayasma jan ukajj colerayasmawa, mä jiskʼa pantjasiñjja jachʼa problemaruw tukuyarakisma.
JEHOVÁ DIOSAN TESTIGONAKAPAJJ KUNSA LURAPJJTA
Familia taypin respeto utjañapatakiw wal chʼamachasipjjta. Uka toqetjja libronakana, folletonakana ukat videonakan parlapjjapuntwa, ukanakajj gratisakiwa.
CASARATANAKATAKI: Matrimonionakatakejja Internetan “Familianakatak yanaptʼanaka” sat yatichäwinakaw utji, uka yatichäwinakajja casarat chacha warminakarojj...
-
... purapat istʼasirïñatakiw yanaptʼani.
-
... jan amukïpjjañapatakiw yanaptʼani.
-
... jan toqesipjjañapatakiw yanaptʼani.
Ukatakejja (jw.org cheqar mantasajj thaqañataki siski ukarojj “Familianakatak yanaptʼanaka” sasin qellqtʼam).
AWK TAYKANAKATAKI: Internetan “Familianakatak yanaptʼanaka” sat yatichäwinakaw utji, ukajj awk taykanakarojj wawanakapar sum yatichapjjañapatakiw yanaptʼi ukhamat wawanakapajj...
-
... istʼasirïpjjañapataki.
-
... utan yanaptʼapjjañapataki.
-
... “amp suma”, “yuspära” sapjjañapataki.
(Jw.org cheqar mantasajj thaqañataki siski ukarojj “Wawanakar yatichaña” jan ukajj “Qʼajjo wayn tawaqonaka” sasin qellqtʼam).
Ukat “Los padres preguntan” sat yatichäw liytʼam ukajj Lo que los jóvenes preguntan. Respuestas prácticas (volumen 1) sat libron apendicepankiwa, ukatakejj (jw.org cheqan thaqañataki siski ukar “Los padres preguntan” sasin qellqtʼam).
WAYN TAWAQONAKATAKI: Internetan jw.org cheqan “Wayn tawaqetanaka ukat wayn tawaqonaka” sat seccionaw utji, walja videonaka yatichäwinakaw utjaraki, ukajj wayn tawaqonakarojj...
-
... awk taykapampi jilat kullakanakamp sum apasiñatakiw yanaptʼani.
-
... utan utjki uka reglanakat awk taykapamp respetomp parlañatakiw yanaptʼani.
-
... awk taykapan confiyapjjañapatakiw yanaptʼani.
(Jw.org cheqar mantasajj thaqañataki siski ukar “Wayn tawaqetanaka ukat wayn tawaqonaka” sasin qellqtʼam).
Internetan jw.org cheqajj gratisakiwa. Mantañatakejj janiw pagañamäkiti, janiw registrasiñamäkisa. Janiw datonakams mayipkätamti.
