‘Mä chuymaki mä amtanikiraki’ Diosar luqtapxañäni

PENTECOSTÉS sat fiestan 33 maranxa, judionakasa judionakan yupaychäwipar mantirinakasa Roma markat ukat Partia sat uka jaya markanakatwa Jerusalén markarux sarapxäna. Waljaniw Jesusan arkirinakapar istʼañatak tantachasipxäna. Arkirinakatxa jila partix galileankir jaqinakäpxänwa, ukampis kunayman arunakatwa jaqinakarux parlapxäna. Ukatwa, yaqhipanakax wali muspharat uñjasisaxa, maynit maynikam akham jisktʼasipxäna: “¿Kamisaraki jupanakasti jiwasanakan nacïwisatpach yatit arunakasatsti parlapxisti?” sasa (Hech. 2:8).

Apóstol Pedrox saytʼasisinxa, kunatsa uka milagrox pasäna uk qhanañchtʼarakïna. Ukat  arunakap istʼasinxa, jankʼakiw waranq waranqa jaqinakax bautisasipxäna (Hech. 2:41). Cristiano tamax jankʼakisay jilxatchïnxa, mayachtʼatäsipkakïnwa. “Iyawsirinakasti waljanïnwa. Jupanakasti mä chuymakïpxänwa, mä amtañanikiraki” sasaw Lucas qillqirix qhanañchtʼi (Hech. 4:32).

Waranq waranq bautisasirinakaxa, Jerusalén markanwa qhiparañ munapxäna, iyawsapkäna uka yatichäwinakat jukʼamp yatiqañataki. Ukampis qhiparañatakixa janiw wakichtʼatäpkänti. Ukatwa jupanakar yanaptʼañatakix qullqi apthapipxäna. ¿Kunjamsa apthapisïna? Yaqhipanakax chuymaparjam amtasaw yänakapsa uraqinakapsa aljapxäna ukat uka qullqxa apostolanakaruw churapxäna, ukhamat khitinakatï yanaptʼa munapkäna ukanakar yanaptʼañataki (Hech. 2:42-47). Jupanakaxa, wali suma munasirïpxatapa ukat khuyaptʼayasirïpxatapwa uñachtʼayapxäna.

Chiqpach cristianonakaxa, munasiri ukat khuyaptʼayasirïpxapuniwa. Jichhürunxa, ukhamarakiw cristiano tamax Jehová Diosar ‘mä chuymaki mä amtanikiraki’ mayachtʼata luqtasipki. Sapa mayniwa tiempo, chʼama ukat kunatï sapa maynin utjkistu ukanak taqi chuyma churtanxa, ukhamat Diosan Apnaqäwipat yatiyasiski ukar yanaptʼañataki (“Kunjamanakatsa yanaptʼsna” siski uka recuadro uñxattʼarakïta).

[6, 7 jananakan recuadro]

KUNJAMANAKATSA YANAPTʼSNA

DIOSAN ARUNAKAPAT AKA URAQPACHAN YATIYASISKI UKAR YANAPTʼAÑATAKI

Waljaniwa qullqipat iraqtʼasax “Uraqpachan yatiyasiski ukar yanaptʼañataki” sas qillqxatatäki uka cajar qullq uchapxi.

Tamanakax sapa phaxsiw uka qullqxa, Jehová Diosan Qhanañchirinakapan markapan sucursalax utjki ukar apayapxi. Ukat maynitï yanaptʼañatak qullq churañ munaspaxa, mä cheque tuqnamwa churaspa, uka chequexa “Watch Tower” sutipxar qillqxatasaw churasiñapa jan ukax uka qullqxa bancorus jaytapxarakispawa. Ukatakixa, Oficina Sucursal ukaruw jawstʼañama jan ukax Watch Tower Casilla 6397, Santa Cruz, Bolivia, uka direccionarus qillqtʼarakismawa. Ukhamarak joyanaksa jan ukax yaqha suma yänaksa churasirakispawa, ukhamtï churañ munstanxa mä carta qillqasiñapa, ukanak churasaxa, ‘nayax janiw kuns maykäti’ sasinwa uka cartan qillqtʼasiñapa. Yaqha markanakan aka revista liytʼirinakaxa, kawkhantï jakapki uka sucursalaruw uk lurapxarakispa. Uka sucursalanakan direccionanakapaxa Jehová Diosan Qhanañchirinakapan qillqatanakapan uñsti.

MÄ AMTAMPI CHURAÑA

Banconxa Watch Tower sutipxaruw qullq churasirakispa, ukat maynitix qullqi kuttʼayasiñ munchixa kuttʼayatäxarakispawa (fideicomiso). Uka tuqit jukʼamp yatxatañatakixa, Tesorería de la Watch Tower ukaruw jawtʼasasa jan ukax qillqasasa jisktʼasisma, jan ukasti kawkïr direccionatï payrïr tʼaqan uñstki ukarus qillqtʼarakismawa.

SUM AMUYTʼASISAW CHURASIÑAPA

Jan kuns mayisa qullq churañat sipansa yaqha tuqinakatsa Uraqpachan Diosan Apnaqäwipat yatiyasiski ukar yanaptʼasirakispawa, aka tuqinakat yanaptʼasispa:

Seguronaka. Jubilasiñataki qullq imasipki ukat seguro de vida satäkis uksa Watch Tower Bible and Tract Society of Pennsylvania sutxaruw churapxarakispa.

Bancor qullq imasitama. Bancor qullq imasipki uka certificadonaksa jubilasiñatak bancor qullq imasipki ukanaksa Watch Tower Bible and Tract Society of Pennsylvania uka corporacionar churasispawa, churirix jiwxaspa ukhaw uka qullqxa churasxarakispa, sapa markan banconakatak leyix utjki ukarjama.

Accionanakampi ukat bononakampi. Ukham churañ munasaxa, jan kuns mayisakiw Watch Tower Bible and Tract Society of Pennsylvania sutxaruw churasirakispa.

Utanaka ukat uraqinaka. Aljañjamäki, jan juicionkki, papelanakapas qʼumachatäki, uka utanaksa jan ukax uraqinaksa churasirakispawa, ukanakxa jan kuns mayisaw churasirakispa, jan ukax churirixa jiwañkam uka utan utjasiwayañsa mayirakispawa. Janïr uraqi jan ukax uta churkasaxa, markaman utjki uka sucursalaruw uka tuqit parltʼañatakix jawstʼañama.

Qullq churasax mä renta mayirakismawa. Jehová Diosan Qhanañchirinakapan corporacionaparuw qullqsa jan ukax títulos valores satäkis ukanaksa churasirakispa, uka lantisti, khititï churki (jan ukax renta katuqañataki sutiñchtʼatäki) ukaxa, jiwañkamaw maran mä kuti renta katuqarakispa. Ukham churasaxa impuestotxa iraqtʼapxarakispawa.

Testamentonaka ukat fideicomisonaka. Utanaksa uraqinaksa jan ukax qullqsa Watch Tower Bible and Tract Society of Pennsylvania ukar churasirakispawa, mä notarion nayraqatapan mä testamento lurapxañapa jan ukasti mä fideicomiso lurasirakispawa. Uka fideicomisonakax yupaychañataki churatäki ukhaxa, impuesto pagañatsa iraqtʼapxarakiwa.

“Sum amuytʼasisaw churasiñapa” siski ukarjamaxa, khititï ukham churañ munki ukaxa, sum amuytʼasis mä amtampiw churañapa. Khitinakatix Jehová Diosan Qhanañchirinakapan Diosan arunakapat Uraqpachan yatiyasiski ukar yanaptʼañataki churañ munapki ukanakatakixa, Donaciones planificadas para favorecer el servicio del Reino en todo el mundo sat folletow wakichata, uka folletoxa español ukat inglés arunakat qillqatawa. Kunjamanakatsa qullqsa jan ukax yänaksa churapxaspa, ukaw uka folletonxa qhanañchtʼasiskaraki. Uka folleto liytʼasina ukat abogadonakapar jisktʼasisaxa, waljaniw Diosar yupaychañataki yanaptʼapxaraki ukat kuna chijinakan jikxatasipxi ukanakar yanaptʼasiñapatakisa churapxarakiwa, ukat ukham churasax kuna impuestonakatï pagañäki uksa iraqtʼapxarakiwa. Oficina de Donaciones Planificadas (Charitable Planning Office) satäkis ukatwa uka folletxa mayirakisma.

Jumatï uka tuqit jukʼampi yatiñ munstaxa, Oficina de Donaciones Planificadas ukar qillqtʼañamawa jan ukax jawstʼarakismawa, ukan direccionapaxa akxar qillqtʼatäskiwa, jan ukasti kawkïr sucursalatix markaman utjki ukarus jawstʼarakismawa.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707