¿Jumax amttati?

¿Aka qhipa phaxsinakan mistkäna Yatiyañataki sat revista liytʼtati? Ukhamächi ukhaxa, aka jisktʼanakar qhanañchtʼma:

• ¿Kunatsa chiqapar sarnaqir cristianüñax wali wakiskirixa?

Chiqapar sarnaqktan ukhax Jehová Diosan Apnaqäwiparuw iyawstanxa, ukhamatwa Jupar munasitassa ukat Supayan kʼarïtapsa uñachtʼaytanxa. Ukampis chiqapar sarnaqatasarjamarakiw Diosax taripistani, ukhamatwa jutïritaki mä suma sutʼäwinïñäni (12/15, 4-6 jananaka).

• ¿Kuna sutiñchanakasa Jesusax Diosan amtapan jan kikpani luräwinakanïtap uñachtʼayi?

Sapa Yuqapa, Amén, Machaq arustʼäwin Sumankthapiyiri, Jilïr Sacerdote, Jutañapäkän uka Wawa (12/15, 15 jana).

• ¿Kunatsa judionakax viernes jaypʼutpach sábado uru amtapxirïna?

Kunapachatï Jehová Diosax sábado uru imañ tuqit kamachinak churkäna ukhaxa, akham sänwa: “Jaypʼu chiqatwa qalltapxata, ukatsti qhipüruwa tukuyxapxarakita, pachpa jaypʼu chiqaruraki” sasa (Lev. 23:32). Ukhamasti judionakax inti jalantatwa urunak jakhuñ qalltapxirïna, qhipuru inti jalantañapkama. Ukat jichhakamas viernes inti jalantatwa sábado uru jakhusipki (01-03, 26 jana).

• Kunjamsa kusisit yatiyir saraskaksna?

Yaqha jaqinakar yanaptʼañatakiw chuymas waktʼayasiñasa. Ukat yatiyir sarktan ukhax Bibliat yatiqir jikxatä sasaw chʼamachasiñasa. Khitinakarutï yatiyktan ukanakax yupaychañ tuqit jan istʼañ munapkani ukhaxa, kunanakattï llakisipki ukanakat parlañasawa (01/15, 8-10 jananaka).

• Chiqa cristianonakatakixa, ¿kunatsa qʼuma sarnaqañax wali askixa?

“Qullana, qullana, qullana” sasaw angelanakax Diosar yupaychapxäna, sasaw Isaías profetax mä unañchäwin uñjasin qillqatayna (Isa. 6:3). Jupanxa janipuniw kuna qʼañusa ni kuna jan walisa utjkiti, ukwa uka arunakax qhan uñachtʼayi. Ukatwa, Jehová Diosax taqi luqtirinakapan qʼumäpxañap muni. Jupax siwa: “Jumanakax qullanäpxam, nayasti qullanätwa uka layku” sasa (1 Ped. 1:16). (01-03, 9-12 jananaka).

• Amay imäwinxa jan walinakwa lurañ yatipxi, ukampis ¿kunjamsa Biblian yatichäwinakapax chiqpach cristianonakar uka tuqinakat amuytʼasiñ yanaptʼaspa?

Kunapachatï mä munat familiarapax jiwxi ukhax cristianox wali llakitaw uñjasispa, ukampisa jiwatanakax kunjamsa jikxatasipxi ukxa yatipxiwa. Ukat Diosar jan yupaychir familiaranakapax jiskʼachapkchisa, kuntï jiwatanakar imantañatak jan walinak lurapki ukanakxa janiw lurkiti. Ukat yaqhip jilat kullakanakaxa, familiaranakapax jan ukhaman uñjasipxañapatakixa, mä qillqatanwa kunjamsa imayasiñ munapxi ukxa janïr jiwkasax jaytawayapxi (02/15, 29-31 jananaka).

• “Mä chika tupun chikataparjama” sañatakixa, ¿kawkitsa jakhsupxpacha?

“Sábado urutaki kamachinakarjamaxa [...], qhawqsa maynix sarnaqaspa ukwa amtapxäna, ukax mä sábado urpach sarañäkaspas ukham uñtʼatänwa” sasaw Cyclopedia of Biblical, Theological, and Ecclesiastical Literature sat librox qhanañchi. Ukhamasti, niya mä kilometronakwa israelitanakax uka urux sarapxañapäna (01-03, 26 jana).

• ‘Justun libropa’ ukat ‘Tatitun Nuwasiña libropa’ ukanakaxa, ¿Diosan amuytʼayatäpachati, ukat chhaqayapxpachatï? (Jos. 10:13; Núm. 21:14.)

Janiwa. Kunattix yaqhip Biblia qillqirinakaxa, uka tiempon utjkäna uka qillqatanakwa Biblia qillqañatakix uñxatapxpachäna. Ukampis janiw uka libronakax Diosan amuytʼayatäkänti (03/15, 32 jana).

• ¿Mä munasir awkix kunjamatsa wawanakapar sum uñjaspa?

Ukatakix akanakaw wakisi: 1) munasiña, 2) sum sarnaqaña, 3) kusisit qamasiña, 4) Diosat yatiqaña, 5) chiqañchäwi, 6) jan walinakat jarkʼaqaña (01-03, 18-21).