Kusisita ukat taqi chuyma churapxañäni

KUNJAM chuymampitï churañasäki uka tuqitxa akham sasaw apóstol Pablox qillqäna: “Sapa mayniw, kunjämtï chuymapanxa amtki ukhamarjam churañapa; janiw pä chuyma churañapäkiti, janirakiw maynin jariyatakis churañapäkarakiti, Diosasti kusisit chuymampi chuririruw munaraki” sasa (2 Cor. 9:7). Jehová Diosax janiw khitirus qʼuma yupaychäwipar yanaptʼañapatakix munkir jan munkir waytʼkiti. Jan ukasti, luqtirinakapax kunjamxay chuymapan amtchi ukarjam kusisita ukat taqi chuyma churapxañapwa muni. Jupanakax nayratpachwa kusisit chuymampi churapxirïna. Uk kimsa tuqit uñjañäni.

Israelitanakar Egipto markat qhispiyasaxa, Jehová Diosax tabernáculo sat yupaychañ uta lurapxam sänwa ukat kuntï uk lurañatakix munaski ukxa jumanakkamaw apthapipxäta sarakïnwa. Ukhamasti, “taqi khitinakatix chuymanakapan” amtapkäna jupanakax quri, qullqi ukat yaqha suma yänak churapxäna ukat yaqha ofrendanakamp kuna. Jaqinakax taqi chuyma jilarkirwa churapxäna, ukatwa jan jukʼamp uka ofrendanak apanxapxamti sas yatiyasïna (Éxo. 35:5, 21; 36:6, 7).

 Walja maranak qhipatxa templow lurasxäna, ukatxa Diosan markapax wasitampiw qʼuma yupaychäw tuqit saytʼapxatap uñachtʼayapxäna. David reyix walja suma yänakwa churäna ukat mayni israelitanakarux taqi chuyma churapxam sasaw sarakïna. Ukat ukhamwa lurapxarakïnxa, churapkäna uka qurimpi qullqimpix jichha tiemponx 100 waranqa millón dolarats jukʼamp qullqirüxaspawa. Ukham churapxatapatxa, ¿kunjamsa jikxatasipxäna? Jehová Diosar taqi chuyma uka ofrendanak churapxatapatxa wali kusisitaw jikxatasipxäna sasaw Bibliax qhanañchi (1 Cró. 29:3-9; 2 Cró. 5:1).

Jesusan nayrïr arkirinakapax ukham chuymanïpxarakïnwa. 33 marana, Pentecostés urunxa mä 3.000 jaqinakaw bautisasipxäna, jupanakatxa waljaniw jan Jerusalenankirïpkänti. Diosan arunakapat jukʼamp yatiqañatakix uka markan qhiparapxañapänwa, ukampis yaqhipanakax jukʼa qullqinikïpxänwa, jupanakar yanaptʼañatakix jilat kullakanakax yänakap aljapxäna ukatsti uka aljat qullqxa apostolanakaruw churapxäna. ¡Kunjak Jehová Diosax kusiskänxa iyawsäwipa ukat munasiñ uñachtʼayapxatap uñjasaxa! (Hech. 2:41-47.)

Jichhürunxa, cristianonakax ukhamarakiw kusisita ukat taqi chuyma chiqa yupaychäwir yanaptʼasipki, Diosan Apnaqäwipat yatiyañasiñapatakix tiempo, chʼama ukat qullqimp yanaptʼasipki. “Kunjamanakatsa yanaptʼsna” siski uka recuadro uñxattʼarakïta.

[18, 19 jananakan recuadro]

KUNJAMANAKATSA YANAPTʼSNA

URAQPACHAN YATIYASISKI UKAR YANAPTʼAÑATAKI

Waljaniw qullqipat iraqtʼasax “Uraqpachan yatiyasiski ukar yanaptʼañataki” sas qillqxatatäki uka cajanakar qullq uchapxi.

Tamanakax sapa phaxsiw uka qullqxa, Jehová Diosan Qhanañchirinakapan markapan sucursalax utjki ukar apayapxi. Ukat maynitï yanaptʼañatak qullqi churañ munaspaxa cheque tuqnamwa churaspa, ukax aka direccionaruw apayasirakispa: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, jan ukax sucursalar chiqaksa apayasirakispawa. (Aka aynachan uñstki uka churäwinakax markamankki uka sucursalarus apayasirakispawa.) Chequenakax aka alayan uñstki uka direccionar apayasiñapäki ukanakax “Watchtower” sutipxar qillqxatasaw apayasiñapa. Ukhamarakiw joyanaksa jan ukax yaqha suma yänaksa churasirakispa, ukhamtï churañ munstanxa mä cartaw qillqasiñapa, ukanak churasax janiw kuns maykäti sasinwa uka cartan qillqtʼasiñapa.

MÄ AMTAMPI CHURAÑA

Banconxa Watch Tower Bible and Tract Society of Pennsylvania sutipxaruw qullqi churasirakispa, ukat maynitix qullqi kuttʼayasiñ munchixa kuttʼayatäxarakispawa (fideicomiso). Uka tuqit jukʼamp yatxatañatakixa, Tesorería (Treasurer’s Office) (718) 560-7500 uka telefonor jawstʼañamawa jan ukasti kawkïr direccionatï nayrïr tʼaqan uñstki ukarus qillqtʼarakismawa.

SUM AMUYTʼASISAW CHURASIÑAPA

Jan kuns mayisa qullq churañat sipansa yaqha tuqinakatsa Uraqpachan Diosan Apnaqäwipat yatiyasiski ukar yanaptʼasirakispawa, aka tuqinakatwa yanaptʼasispa:

Seguronaka. Jubilasiñataki qullq imasipki ukat seguro de vida satäkis uksa Watch Tower Bible and Tract Society of Pennsylvania sutxaruw churasirakispa.

Bancor qullq imasitama. Bancor qullq imasipki uka certificadonaksa jubilasiñatak bancor qullq imasipki ukanaksa Watch Tower Bible and Tract Society of Pennsylvania sutxaruw churasispa, churirix jiwxaspa ukhaw uka qullqxa churasxarakispa, sapa markan banconakatak leyix utjki ukarjama.

Accionanakampi ukat bononakampi. Ukham churañ munasaxa, jan kuns mayisakiw Watch Tower Bible and Tract Society of Pennsylvania sutxar churasirakispa. Ukat maynitï jiwatapxaru Watch Tower Bible and Tract Society of Pennsylvania ukankirinakax accionanakapa bononakap katusxapxañap munchi ukhaxa, ukham churarakispawa.

Utanaka ukat uraqinaka. Aljañjamäki, jan juicionkki, papelanakapas qʼumachatäki, uka utanaksa jan ukax uraqinaksa churasirakispawa, ukanakxa jan kuns mayisaw churasispa, jan ukax churirixa jiwañkam uka utan utjasiwayañsa mayirakispawa. Janïr uraqi jan ukax uta churkasaxa, markaman utjki uka sucursalaruw jawstʼañama.

Qullq churasax mä renta mayirakismawa. Jehová Diosan Qhanañchirinakapan corporacionaparuw qullqsa jan ukax títulos valores satäkis ukanaksa churasirakispa, uka lantisti, khititï churki (jan ukax renta katuqañataki sutiñchtʼatäki) ukaxa, jiwañkamaw maran mä kuti mä renta katuqarakispa. Ukham churasaxa impuestotxa iraqtʼapxarakispawa.

Testamentonaka ukat fideicomisonaka. Utanaksa uraqinaksa jan ukax qullqsa Watch Tower Bible and Tract Society of Pennsylvania ukar churasirakispawa, mä notarion nayraqatapan mä testamento lurapxañapa jan ukasti mä fideicomiso lurasirakispawa. Uka fideicomisonakax yupaychañataki churatäki ukhaxa, impuesto pagañatsa iraqtʼapxarakiwa.

“Sum amuytʼasisaw churasiñapa” siski ukarjam churañatakixa sum amuytʼasis mä amtampiw churasiñapa. Jehová Diosan Qhanañchirinakapax Uraqpachan yatiyasipki ukar yanaptʼañ munirinakatakixa, Donaciones planificadas para favorecer el servicio del Reino en todo el mundo sat folletow wakichata, uka folletoxa español ukat inglés arut qillqatawa. Kunjamanakatsa qullqsa jan ukax yänaksa churapxaspa, ukaw uka folletonxa qhanañchtʼasiskaraki. Uka folleto liytʼasina ukat abogadonakapar jisktʼasisaxa, waljaniw Diosar yupaychañataki yanaptʼapxaraki ukat kuna jan waltʼäwinakas utjki uka luräwinakan yaqhanakar yanaptʼasiñapatakisa churapxaraki, ukat ukham churasax kuna impuestonakatï pagañäki uksa iraqtʼapxarakiwa. Oficina de Donaciones Planificadas (Charitable Planning Office) satäkis ukatwa uka folletxa mayirakisma.

Jumatï uka tuqit jukʼampi yatiñ munstaxa, Oficina de Donaciones Planificadas ukar qillqtʼañamawa jan ukax jawstʼarakismawa, ukan direccionapaxa akxar qillqtʼatäskiwa, jan ukasti kawkïr sucursalatix markaman utjki ukarus jawstʼarakismawa.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707