Jehová Diosar ofrenda churapxañäni

MAYNIX yanaptʼistu ukhaxa, ¿kunjamsa yuspärtanxa? Israel markan ejercitop pʼiqtʼirinakaxa, Jehová Diosan yanapapampiw madianitanakar mä nuwasïwin atipapxäna, kunjamsa jupanakax Diosar yuspärapxäna uk uñjañäni. Baal-Peor diosar yupaychas juchachasipkäna uka pasatatwa israelitanakax Diosan yanapapampix madianitanakar atipapxäna. Kuna yänaktï uka nuwasïwit jikxatanipkäna ukanakxa, 12.000 israelit soldadonakampi ukat mayni israelitanakampiw jalanuqasipxäna. Ukatsti Diosan kamachinakapar istʼasaw soldadonakax kuna yänaktï uka nuwasïwit jikxatanipkäna ukanakat apaqasax sacerdotenakar churapxäna, mayni israelitanakas ukhamarak levitanakarux churapxäna (Núm. 31:1-5, 25-30).

Ukampis soldadonakan pʼiqtʼirinakapax jukʼampwa churañ munapxäna, ukatwa Moisesarux sapxäna: “Nanakasti, juman servirinakamax jakthapipxtwa kawkïri soldadonakatix nanakan amparanakaxar katuyatäna ukanakatxa,  janirakiw maynis faltkiti” sasa. Ukatwa soldadonakax qurit lurat joyanakampi, yaqhanakamp Diosar mä ofrendjam churañ amtapxäna, taqpachax 190 kilonakats jukʼampïnwa (Núm. 31:49-54).

Diosan yupaychirinakapax ukhamarakiw kuntï Diosax jiwas layku lurawayki ukanakat yuspärañ muntanxa. Yaqha jaqinakas ukham yuspärapxarakiwa. Ukaw Italiankir Bolonia markan uñjasiwayi. Kunapachatï 2009 marana walja markanakat jachʼa tantachäwix apaskäna ukhaxa, tantachäwir apir choferux wali amuyumpiw auto apäna ukat wali suma jaqirakïnwa, ukatwa jilat kullakanakax yuspärañatakix mä tarjetampi, ¿Kunsa Bibliax chiqpachapuni yatichi? sat librompi ukat qullqimp churapxäna. Ukampis choferox sänwa: “Tarjetampi librompi churapxita, ukampis uka qullqimpix kuntï lurapkta ukar yanaptʼañatakiw kuttʼayxapxäma. Janis Jehová Diosan Qhanañchiripäkstxa, yanaptʼañwa munta, kunattix munasiñatwa Diosatak irnaqapxtaxa” sasa.

Jehová Diosan Qhanañchirinakapax Uraqpachan yatiyasipki ukar yanaptʼasaw kuntï Diosax jiwas layku lurawayki ukanakat yuspäratas uñachtʼaysna (Mat. 24:14). “Kunjamanakatsa yanaptʼsna” siski uka recuadronwa uka tuqit qhanañchasiski.

[20, 21 jananakan fotopa]

KUNJAMANAKATSA YANAPTʼSNA

URAQPACHAN YATIYASISKI UKAR YANAPTʼAÑATAKI

Waljaniw qullqipat iraqtʼasax “Uraqpachan yatiyasiski ukar yanaptʼañataki” siski uka cajar qullqi uchapxi.

Tamanakax sapa phaxsiw uka qullqxa, Jehová Diosan Qhanañchirinakapan markapan sucursalax utjki ukar apayapxi. Ukat maynitï qullqimp yanaptʼañ munarakchixa, aka direccionaruw apayaspa: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, jan ukax sucursalar chiqaksa apayasirakispawa. (Aka aynachan uñstki uka churäwinakax markamankki uka sucursalarus apayasirakispawa.) Aka alayan uñstki uka direccionar chequenak apayañatakixa, “Watchtower” sutipxar apayasiñapa. Ukhamarakiw joyanaksa jan ukax yaqha suma yänaksa churasirakispa, ukham churañatakixa janiw kuns maykäti sasaw mä cartamp qillqtʼañama.

MÄ AMTAMPI CHURAÑA

Banconxa Watch Tower Bible and Tract Society of Pennsylvania sutipxaruw qullqi churasirakispa, ukat maynitix qullqip kuttʼayasiñ munanixa kuttʼayatäxarakispawa (fideicomiso). Uka tuqit jukʼamp yatxatañatakixa, Tesorería (Treasurer’s Office) (718) 560-7500 uka telefonoruw jawstʼañama, jan ukasti kawkïr direccionatï nayrïr tʼaqan uñstki ukarus qillqtʼarakismawa.

SUM AMUYTʼASISAW CHURASIÑAPA

Jan kuns mayisa qullq churañat sipansa, yaqha tuqinakatsa Uraqpachan Diosan Apnaqäwipat yatiyasiski ukar yanaptʼasirakispawa, aka tuqinakatwa yanaptʼasispa:

Seguronaka. Jubilasiñataki qullq imasipki ukat seguro de vida satäkis uksa Watch Tower Bible and Tract Society of Pennsylvania sutxaruw churasirakispa.

Bancor qullq imasitama. Bancor qullq imasipki uka certificadonaksa jubilasiñatak bancor qullq imasipki ukanaksa, Watch Tower Bible and Tract Society of Pennsylvania sutxaruw churasispa, churirix jiwxaspa ukhaw uka qullqxa churasxarakispa, sapa markan banconakatak leyix utjki ukarjama.

Accionanakampi ukat bononakampi. Ukham churañ munasaxa, jan kuns mayisakiw Watch Tower Bible and Tract Society of Pennsylvania sutxar churasirakispa. Ukat maynitï jiwatapxaru Watch Tower Bible and Tract Society of Pennsylvania ukankirinakax accionanakapa bononakap katusxapxañap munchi ukhaxa, ukham churarakispawa.

Utanaka ukat uraqinaka. Aljañjamäki, jan juicionkki, papelanakapas qʼumachatäki, uka utanaksa jan ukax uraqinaksa churasirakispawa, ukanakxa jan kuns mayisaw churasispa, jan ukax churirixa jiwañkam uka utan utjasiwayañsa mayirakispawa. Uraqi jan ukax uta janïr churkasaxa, markaman utjki uka sucursalaruw jawstʼañama.

Qullq churasax mä renta mayirakisma. Jehová Diosan Qhanañchirinakapan corporacionaparuw qullqsa jan ukax títulos valores satäkis ukanaksa churasirakispa, uka lantisti, khititï churki (jan ukax renta katuqañataki sutiñchtʼatäki) ukaxa, jiwañkamaw maran mä kuti mä renta katuqarakispa. Ukham churasaxa impuestotxa iraqtʼapxarakispawa.

Testamentonaka ukat fideicomisonaka. Utanaksa uraqinaksa jan ukax qullqsa Watch Tower Bible and Tract Society of Pennsylvania ukar churasirakispawa, mä notarion nayraqatapan mä testamento lurapxañapa jan ukasti mä fideicomiso lurasirakispa. Uka fideicomisonakax yupaychañataki churatäki ukhaxa, impuesto pagañatsa iraqtʼapxarakiwa.

“Sum amuytʼasisaw churasiñapa” siski ukarjam churañatakixa sum amuytʼasis mä amtampiw churasiñapa. Jehová Diosan Qhanañchirinakapax Uraqpachan yatiyasipki ukar yanaptʼañ munirinakatakixa, Donaciones planificadas para favorecer el servicio del Reino en todo el mundo sat folletow wakichasi, uka folletoxa español ukat inglés arut qillqatawa. Kunjamanakatsa qullqsa jan ukax yänaksa churapxaspa, ukaw uka folletonxa qhanañchtʼasiskaraki. Uka folleto liytʼasina ukat abogadonakapar jisktʼasisaxa, waljaniw Diosar yupaychañataki yanaptʼapxaraki ukat kuna jan waltʼäwinakas utjki uka luräwinakan yaqhanakar yanaptʼasiñapatakisa churapxaraki, ukat ukham churasax kuna impuestonakatï pagañäki uksa iraqtʼapxarakiwa. Oficina de Donaciones Planificadas (Charitable Planning Office) satäkis ukatwa uka folletxa mayirakisma.

Jumatï uka tuqit jukʼampi yatiñ munstaxa, Oficina de Donaciones Planificadas ukar qillqtʼañamawa, jan ukax jawstʼarakismawa, ukan direccionapaxa akxar qillqtʼatäskiwa, jan ukasti kawkïr sucursalatix markaman utjki ukarus jawstʼarakismawa.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707