¿Jehová Diosan ‘markapar yanaptʼasax’ kusisitäsktanti?

FILIPO markankir nayrïr cristianonakaxa, Jehová Diosan markapar taqi chuyma yanaptʼirit uñtʼatäpxänwa. Apóstol Pablox Diosan amuytʼayataw akham qillqäna: “Sapa kuti jumanakat amtasta ukkhaxa Diosaruw yuspagarta. Kunapachatix oración lurkta ukapachaxa, taqi jumanakatakix kusisiñampiw mayirapipxsma. [‘Jumanakan qhispiyasiñ arunak yatiyasiñapataki yanaptʼapxatamata’, NM] qalltat jichhürkama” sasa (Fili. 1:3-5). Ukham qillqasax Lidia kullakan khuyaptʼayasirïtapwa Pablox amtpachäna, kunattix familiapamp bautisasxasaw utajar qhiparapxam sasin Pabloru ukat yanapirinakapar säna, ukatwa Lidian utapan qurpachasipxäna (Hech. 16:14, 15).

Qhipatxa, Pablox Tesalónica markankir cristianonakampiw walja semananak qhipaqtäna, ukhaw Filiponkir jichhak uttʼayat tamax pä kuti manqʼañanak Pablor apayapxäna, Filipo markasti 160 kilometronak jayankänwa (Fili. 4:15, 16, NM). Qhipa maranakanxa, Filipo ukat Macedonia markankir jilat kullakanakax jan  waltʼañanakan jikxatasipxäna ukat “wali pobrepxarakïnwa”, ukhampachas Jerusalenankir cristianonakar yanaptʼañwa munapxäna, kunattix jan walin jikxatasipxarakïna. Apóstol Pablox akham sasaw qillqarakïna: “Churäwa sapki [...] ukat jukʼampsa churasipkakïnwa” , ukat “churapxam sapxakitay, [...] sasaw walpun achiktʼasipxitu” sasa (2 Cor. 8:1-4; Rom. 15:26).

Filipos markan niya tunka maranak cristianöxasax yanaptʼasipkakïnwa. Pablox Roma markan carcelankatap yatisaxa, Epafroditoruw Pablor yanaptʼañatakix khitapxäna, Epafroditox lamar qutnäma ukat thaknämax mä 1.300 kilometronak sarasaw apayanak apäna. Ukhamasti Filiponkir cristianonakax wal Pablor yanaptʼañ munapxäna, ukhamat carcelankkasas Diosan arunakap yatiyaskakiñapataki ukat jilat kullakanakarus chʼamachtʼaskakiñapataki (Fili. 1:12-14; 2:25-30; 4:18).

Jichhürun ukhamarakiwa, Jehová Diosan arunakap yatiyasiskakiñapatakisa ukat Jesusan arkirip tukupxañapatakisa, chiqa cristianonakax wal yanaptʼañ munapxaraki (Mat. 28:19, 20). Ukatwa tiempsa, chʼamsa apsusipxi ukat qullqsa churapxaraki. Aka recuadronwa kunjamsa Jehová Diosan mayitaparjam phuqasiskakiñapatakix yanaptʼasispa ukax qhanañchtʼasiski.

[22, 23 jananakan recuadro]

KUNJAMANAKATSA YANAPTʼSNA

URAQPACHAN YATIYASISKI UKAR YANAPTʼAÑATAKI

Waljaniw qullqipat iraqtʼasax “Uraqpachan yatiyasiski ukar yanaptʼañataki” (“Obra mundial”) siski uka cajar qullqi iranttʼañ amtapxi.

Tamanakax sapa phaxsiw uka qullqxa, Jehová Diosan Qhanañchirinakapan sucursalaparux apayapxi. Ukat maynitï qullqimp yanaptʼañ munarakchixa, chiqakwa Estados Unidos markarux aka direccionar apayaspa: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, jan ukax sucursalar chiqakwa apayasirakispa. (Diosan markaparux kunjamsa yanaptʼasispa ukax aka aynachan yatiyasiski, ukarjamaw sucursalar apayasispa.) Aka alayan uñstki uka direccionar chequenak apayañatakixa, “Watchtower” sutir apayasiñapawa. Ukhamarakiw joyanaksa, jan ukax yaqha suma yänaksa churasirakispa, ukatxa mä cartampwa janiw kuns ukanakat maykäti sasin qillqtʼasiñapa.

MÄ AMTAMPI CHURAÑA

Bancorux Watch Tower Bible and Tract Society of Pennsylvania sutiruw qullqi churasirakispa, ukat maynitix qullqip kuttʼayasiñ mayinixa kuttʼayatäxarakispawa (fideicomiso). Uka tuqit jukʼampi yatxatañatakixa, Tesorería (Treasurerʼs Office) (718) 560-7500 uka telefonoruw jawstʼañama, jan ukasti kawkïr direccionatï nayrïr tʼaqan uñstki ukaruw qillqtʼarakisma.

SUM AMUYTʼASISAW CHURASIÑAPA

Jan kuns mayisaw qullq churasispa, ukat yaqha tuqinakatsa Uraqpachan Diosan Apnaqäwipat yatiyasiski ukar yanaptʼasirakispawa. Akhamanakatwa yanaptʼasispa:

Seguronaka. Jubilasiñataki qullqsa ukat seguro de vida satäkis uksa, Watch Tower Bible and Tract Society of Pennsylvania sutxaruw churasispa.

Bancor qullq imasitama. Bancor qullq jaytatapata, jan ukax imatapata ukat jubilasiñatak bancor qullq imasipki uka certificadonakxa, Watch Tower Bible and Tract Society of Pennsylvania sutxaruw churasispa (fideicomiso), churirix jiwxaspa ukhaw uka qullqxa irtasxarakispa, sapa markan banconakatak leyix utjki ukarjama.

Accionanakampi ukat bononakampi. Jan kuns mayisakiw accionanaksa, bononaksa, Watch Tower Bible and Tract Society of Pennsylvania sutxar churasirakispa. Ukat jiwxataparux Watch Tower Bible and Tract Society of Pennsylvania ukankirinakan katusxapxañap munchi ukhaxa, ukhamwa churarakispa.

Utanaka ukat uraqinaka. Aljañjamäki, jan juicionkki, papelanakapas qʼumachatäki, uka utanaksa uraqinaksa, jan kun mayisaw churasispa, jan ukax churirixa jiwañkam uka utan utjasiwayañsa mayirakispawa. Uraqi jan ukax uta janïr churkasaxa, markaman utjki uka sucursalaruw jawstʼañama.

Qullq churasax mä renta mayirakisma. Jehová Diosan Qhanañchirinakapan corporacionaparuw qullqsa, jan ukax títulos valores satäkis ukanaksa churasirakispa, uka lantisti, khititï churki (jan ukax renta katuqañataki ajllitäki) ukaxa, jiwañkamaw maran mä kuti renta katuqarakispa. Ukham churasaxa impuesto pagañat iraqtʼasirakiwa.

Testamentonaka ukat fideicomisonaka. Utanaksa uraqinaksa, jan ukax qullqsa, Watch Tower Bible and Tract Society of Pennsylvania ukarux churasirakispawa, mä notarion nayraqatapan testamento, jan ukax mayniruw conveniompi fideicomiso lurasitapat katuqañapatak jaytawayaspa. Uka fideicomisonakax yupaychañataki churatäki ukhaxa, impuesto pagañatsa iraqtʼapxarakiwa.

“Sum amuytʼasisaw churasiñapa” siski ukarjam churañatakixa, maynix sum amuytʼasaw churañapa. Jehová Diosan Qhanañchirinakapax Uraqpachan yatiyasipki ukar yanaptʼañ munirinakatakixa, Donaciones planificadas para favorecer el servicio del Reino en todo el mundo sat folletow wakichasi, uka folletoxa español ukat inglés arut utji. Kunjamanakatsa qullqsa, jan ukax yänaksa churasispa ukaw uka folletonx qhanañchtʼasiski. Uka folleto liytʼasina ukat abogadonakapar jisktʼasisaxa, waljaniw Diosar yupaychañataki yanaptʼapxaraki, ukat kuna jan waltʼäwinakas utjki uka luräwinakan yaqhanakar yanaptʼasiñapatakisa churapxaraki, ukat ukham churasax kuna impuestonakatï pagañäki uksa iraqtʼapxarakiwa. Oficina de Donaciones Planificadas (Charitable Planning Office) satäkis ukatwa uka folletxa mayirakisma.

Jumatï uka tuqit jukʼampi yatiñ munstaxa, Oficina de Donaciones Planificadas satäkis ukaruw qillqtʼasma, jan ukax jawstʼasma, direccionapax akxar qillqtʼatäskiwa, jan ukax markamankir sucursalaruw jawstʼarakisma.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707