“Kuntï munkayäta ukajj phoqhasiwa”

Emilia sat mä kullakajja, precursor regularjamaw mä tiempon irnaqtʼäna, uka tiemponakajj wali sumätap amtasisajja, wasitatwa 15 maranak qhepat precursoräñ munäna.

Jupajj trabajopampiw tiempo aptʼasïna, ukatwa llakita jikjjatasïna. Mä kutejja, irnaqer masinakapampiskäna ukhajj akham sänwa: “¡Janik añcha trabaj-jjeristti!” sasa. Jefapajj uk yatisinjja, jupan ukaruw saräna ukat ukajj cheqati janicha uk jisktʼäna. Ukajj cheqawa sasaw Emiliajj säna. Uka mayitap phoqhasiñapatakejja, uka empresankir directoraruw yatiyañapäna, kunattejj uka empresanjja trabajirinakarojj phoqhatpun irnaqayapjjerïna. Ukat directorampi parlañatakiw wakichtʼasina uka jan ajjsarañatakejj Jehová Diosaruw yanapa mayisïna.

Ukat tantachasipjjäna ukanjja, wali amuyumpi ukat jan ajjsarasaw minus horanakak trabajañ munatap yatiyäna. Tiemponïta ukhajj jaqenakaruw yanaptʼta sasaw directorar yatiyäna ukat akham saskakïnwa: “Nayajj Jehová Diosan Qhanañchiripätwa ukat Diosan Arupat yatiyasaw jaqenakar yanaptʼta. Jichhürunakanjja, jaqenakajj jan walinakakwa lurasipki ukatwa Biblian yatichäwinakap istʼapjjañapajj wakisi. Ukat akan trabajkasasa janiw aynachtʼañ munkti jan ukasti sum irnaqtʼañ munta, ukampis jaqenakar yanaptʼañatakejj jukʼamp tiemponïñwa munta, ukatwa qhawqha horanaktï trabajta uka horanakat minusaki trabaj-jjañ munta” sasa.

Directorajj sumwa istʼäna, ukat nayajj jaqenakar yanaptʼañ wal munarakiyäta sasaw sarakïna. Ukat akham saskakïnwa: “Kuntï siskista ukarjamajja, mayitamajj phoqhasiniwa, ukampis sueldomajj minusakëjjaniwa, uk amuytajjaya” sasa. Ukajj walikiwa nayajj kunatï wakiski ukamp jakasiskäwa sasaw Emiliajj säna. Ukat akham sarakïnwa: “Kunanakatï jaqenakar yanaptʼkaspa ukwa wal lurañ munta” sasa. Ukat directorajj akham sarakïnwa: “Jan kun mayisa jaqenakar yanaptʼañatak tiempo apsusipjje ukanakarojj wali askitwa uñjta” sasa.

Jichhajja, Emilia kullakajj pusi urunakakwa trabaj-jje, uka trabajonjja janiw khitirus ukham trabajayapjjerïkiti. Ukat sueldopsa irjjatapjjarakïnwa, ukajj wali kusiskañänwa jupatakejja, jichhajj qhawqtï nayrajj katoqkäna ukharakwa katoqe. Ukat jupajj akham siwa: “¡Kuntï munkayät ukajj phoqhasiwa, wasitatwa precursorajjta!” sasa.

¿Jumasti precursorañatakejj janit chʼamachaskasma?

[32 janan qhanañchäwipa]

“Jan kun mayisa jaqenakar yanaptʼañatak tiempo apsusipjje ukanakarojj wali askitwa uñjta” sasaw directorajj säna