Inglés arut lurata Traducción del Nuevo Mundo Bibliajj wasitampiw uñakipasi
INGLÉS arur jaqokipata Traducción del Nuevo Mundo Bibliajj walja kutiw uñakipasiwayi, ukampis 2013 maran wasitat uñakipañ tukuyasiwayki ukajj jukʼamp wakiskiriwa. Uka Biblianjja akanakaw mayjtʼayasiwayi: yaqhep jiskʼa tʼaqanakajj jukʼa arunakanikëjjewa, kuna arunakatï nayrajj apnaqaskäna ukanakaw mayjtʼayasiwayi, jila parte jaljanakapajj kunjamtï poesianakajj qellqaski ukhamaw qellqasiwayi, ukhamarus Biblianjja sapa jana kayurojj qhanañchäwinakaw uchasiwayi. Kunanakansa mayjtʼayasiwayi ukanakjja janiw taqpachajj aka yatichäwin qhanañchaskaniti, ukampis jukʼamp wakiskirïki ukanakwa mä qawqha qhanañchtʼañäni.
¿Kuna arunakas mayjtʼayasiwayi? Kunjamtï pasïr yatichäwin yatjjataniwayktanjja hebreo arun Seol arusa, griego arun Hades arusa inglés arunjja amuykañaw jaqokipasiwayjje. Cheqas kuna toqetsa parlaski ukarjamaw jaqokipasiwayi. ¿Kunanakampis mayjtʼayasiwayi?
Kuntï nayra qellqatanakajj siskäna uka pachpa sañatakejja, inglés Biblian walja arunakaw mayjtʼayasiwayi. Amuytʼañataki Jesusajj kunjam jiwayatas uñjasïna uk sum amuytʼayañatakejja, “chhoqontaña” (impale) aru lantejj “lawar chʼakkataña” (nailed to the stake) aruw uchasiwayjje (Mat. 20:19; 27:31). “Qʼañu lurañanaka” siskäna uka arunakasti, “jan phenqʼan luräwinaka” sasaw jichhajj jaqokipasiwayjje. “Wal tʼaqhesiña” arojja walja tiempo tʼaqhesiñats parlkaspa ukhamaw amuyasïna, ukampis uka aru lantejj “paciencia” aruw jichhajj uchasiwayi, uka arumpejj nayra qellqatanakan kunjamtï siskäna ukhamaw amuyasjje. “Jan wali kʼuchirtʼäwinaka” siski uka arunakajj “fiestanak jilañchjaña” sasaw jaqokipasiwayaraki (Gál. 5:19-22). “Khuyapayasiña” arojj “jan jaytjasiri” siski uka arump chika uñstki ukhajja, “jan jaytjasis munasiri” sasaw uchasiwayaraki (Sal. 36:5; 89:1).
Yaqhep arunakajj niya taqe cheqanwa mä kikpa arumpik jaqokipasïna, jichhajja kuna toqetsa parlaski ukarjamaw jaqokipasiwayjje. Amuytʼañataki, hebreo arun ‘ohlám arojja, niya taqe cheqan “jan tukuskir tiempo” sasaw jaqokipasïna. Salmo 90:2 qellqatan “wiñaya” sasin uchasiwayjje. Maysa toqetjja, Miqueas 5:2 qellqatan ‘ohlám’ arojj janiw wiñayat parlkiti, ukatwa “walja tiempo nayra” sasin uchasiwayi.
Ukampis uka arojj janiw ukak sañ munkiti, “wiñaya” sañsa munarakispawa, ukatwaTraducción del Nuevo Mundo Bibliajj 2013 maran janïr uñakipaskäna ukhajja, jathatata jan ukajj jaqenakan wawapat parlañatakejj “jatha” (seed) aruw apnaqasïna. Ukampis jaqenakan wawapat parlañatakejj janiw uka arojj inglés arun apnaqasjjeti, jan ukasti “jaqenakan wawanakapa” (offspring) aruw apnaqasjje (Gén. 3:15; 22:17, 18; Apo. 12:17). Yaqhep cheqanakajja, hebreo ukhamarak griego arunakajj kuna toqetsa parlaski ukarjamaw jaqokipasiwayi (Gén. 1:11; Sal. 22:30; Isa. 57:3).
Arut arurjam jaqokipasiwayki uka qellqatanakajja, ¿kunatsa uñakipasiwayi? 2013 maran apsusiwayki uka Biblianjja, kunjamas suma jaqokipat Bibliajja uk akham sasaw apéndice A1 cheqan qhanañchi: “Amuytʼañajj jan chʼamäkchi, jan ukajj kuntï nayra qellqatanakajj siski uk jan mayjtʼaykchi ukhajja, arut arurjamaw jaqokipasi” sasa. Amuytʼañataki “chuyma uñantaña” siski uka arunakaw Apocalipsis 2:23 qellqatan uñsti, uka arunakajja, yaqhep arunakan amuytʼañajj janiw sinti chʼamäkiti. Ukampis “riñonanakap uñantäjja” siski uka arunakaw uka pachpa tʼaqan uñstaraki, uka arunakaw jan amuytʼañjamäkiti. Ukatwa “riñonanakap uñantäjja” siski uka arunakajj “amuyunakap uñtʼäwa” sasin jaqokipasiwayi. Deuteronomio 32:14 qellqatanjja, “trigon likʼi riñonanakapa” sasin hebreo arut jaqokipaskäna uka arunakajja, “suma trigo” sasaw jaqokipasiwayaraki. Maysa toqetjja, “lakajajj kharsutawa” siski uka arunak amuytʼañajj chʼamarakïnwa, ukatwa “parlañajj nayatak chʼamawa” sasin jaqokipasiwayjje (Éxo. 6:12).
¿Kunatsa “Israelan wawanakapa” lantejj “israelitanaka” sasin uchasiwayi? Hebreo arunjja, “wawanakapa” sasinjja, warminakata chachanakata parlañatakiw apnaqasi. Ukampis inglés arunjja janiw ukhamäkiti. Traducción del Nuevo Mundo Biblianjja, nayrajj “Israelan wawanakapa” sañatakejj kawkïr arutï chachanakat parlañatak apnaqaski uka aruw uchasïna. Ukampis hebreo qellqatarjamajj warminakatsa parlarakiwa. Ukatwa 2013 maran apsusiwayki uka Biblianjja “israelitanaka” sasin uchasiwayi, ukhamatwa warminakata chachanakata parlaskatapajj amuyasi (Éxo. 1:7; 35:29; 2 Rey. 8:12). Hebreo arut yaqha arunakas ukhamarakiw jaqokipasiwayi, ukhamat qhana amuykayäñapataki.
Jichhajj walja jaljanakajj poesiar uñtataw qellqasiwayi, ukhamatwa nayra qellqatanakarjam lurasi
¿Kunatsa walja jaljanakajj poesiar uñtata qellqasiwayi? Qalltanjja, Bibliajj poesiar uñtataw niya jila partejj qellqasïna. Jichha tiemponjja, poesianakajj janiw kunjamtï nayrajj qellqaskäna ukham qellqasjjeti. Hebreo arunjja, arunakajj kunansa niya kikpakïpjje jan kikpäpkaraki ukaw mä poesian jukʼamp qhanstäna. Ukampis jichha tiempo poesianakanjja, kunjamsa arunakajj jaqthapti ukaw jukʼamp qhanstaraki.
Job ukhamarak Salmos qellqatanakajj cantañataki, jan ukajj poesiar uñtata recitasiñapatakiw qellqasïna. Ukatwa Traducción del Nuevo Isaías 24:2 qellqatanjja, kutin kutiniw pachpa arunakajj uñsti. Ukhamatwa kun sañsa muni ukajj sum amuyasi. Cheqas Diosan juicio urupat janiw khitis qhespkaspati, ukaw uka qellqatan qhan amuyasi. Jaqenakajj uka jiskʼa tʼaq liytʼasajja, ¿kunsa amuyapjje? Qellqerejj kutin kutin pachpa arunakamp jan inamay qellqatapa, jan ukasti Diosan arupajj jukʼamp chʼamanïñapatak poesiar uñtat qellqasitapwa amuyapjje.
Mundo Biblianjja, uka qellqatanakajj poesiäkaspas ukham qalltatpach jaqokipasiwayi. Ukhamatwa poesiyjam qellqaskäna ukajj amuyasi, jiskʼa tʼaqanak amtañatakis yanaptʼaraki. 2013 maran apsusiwayki uka Biblianjja, Proverbios, El Cantar de los Cantares ukhamarak profecianakat parliri libronakan walja jaljanakapajj poesiar uñtataw qellqasiwayaraki. Ukaw qalltan kunjam qellqatäkänti uk amuytʼañatak yanaptʼistu, ukatsti arunakajj kunansa kikpaki, jan kikpäkaraki uk sum amuytʼañatakis yanaptʼarakistu. Amuytʼañataki,Kawkïr jiskʼa tʼaqanakas poesiar uñtat qellqatajja, kawkïrinakas janiraki uk amuytʼañajj chʼamakiwa. Ukatwa niya taqe Biblianakan mayj mayja jaqokipasiwayi. Jaqokipirinakajj kunjamsa jiskʼa tʼaqanak jaqokipapjjani uk amtañatakejj sumwa nayraqat amuytʼapjjañapa. Cheqas yaqhep jiskʼa tʼaqanakajj janiw poesiar uñtat qellqatäkiti, ukampis chuymar purtʼañatakejj uñachtʼäwinakampi, poesiar uñtat arunakampi, niya ukham yaqha arunakampi qellqatawa.
2013 maran Traducción del Nuevo Mundo Bibliajj inglés arut apsusiwayki ukanjja, sapa libro qalltan mä recuadrow utji. Ukanjja sapa jaljan kunatï wakiskirïki ukaw qhanañchasi, ukaw sum amuyasiñapataki yanaptʼi. Yamas El Cantar de los Cantares libro liytʼasajja, khitis parlaski, kunapachas parlaski ukajj sumaw amuyasi.
Nayra qellqatanak uñakipañajja, ¿kunjamsa 2013 maran mistuwayki uka Biblia lurasiñapatakejj yanaptʼawayi? Qalltanjja, Traducción del Nuevo Mundo Bibliajj hebreo masorético ukhamarak Westcott ukat Hort chachanakajj griego arur jaqokipapkäna ukarjamaw lurasïna. Jichhajja nayra qellqatanakajj jukʼampiw uñakipasiwayi, ukatwa Biblian yaqhep jiskʼa tʼaqanakajj jukʼamp sum amuyasjje. Ukhamarusa, griego arut nayra qellqatanakat waljaw uñakipasiwayjjaraki. Ukanakat maynïrejj Rollos del mar Muerto ukawa, ukasti niya jichhanakakiw jikjjatasiwayi. Jichhürunakanjja, uka qellqatanakat waljajj computadoranwa utj-jje. Ukhamatwa kawkïr qellqatas suma jaqokipatajja ukajj sum amuyasispa. Ukaw yaqhep jiskʼa tʼaqanak sum amuytʼañatakejj Traducción del Nuevo Mundo Biblia jaqokipirinakar yanaptʼawayi. Ukatwa Bibliankir yaqhep jiskʼa tʼaqanakajj mayjtʼayasiwayi.
Amuytʼañataki, griego arun lurata Septuaginta qellqatanjja, 2 Samuel 13:21 jiskʼa tʼaqajj akham siwa: “Amnón wawaparojj janiw uka luratapatjja juchañchkänti, jilïri wawapätapa, ukhamarak sinti munatätap layku” (La Biblia griega: Septuaginta). Jichhakamajja, Traducción del Nuevo Mundo Biblianjja janiw uka arunakajj qellqatäkänti, ¿kunatsa? Uka arunakajj janiw masorético qellqatan uñstkänti. Ukampis, Rollos del mar Muerto qellqatanjja uka arunakajj uñstiwa, ukatwa 2013 maran mistuwayki uka Biblian uchasiwayjje. Ukhamarusa Diosan sutipajj phesqa cheqanakampinwa nayrïr Samuel qellqatan uchasiwayi. Maysa toqetjja griego arut nayra qellqatanak uñakipasinjja, Mateo 21:29-31 qellqatas askichasiwayarakiwa. Ukhamajja, janiw taqe cheqanpunjja griego arun nayra qellqatanakarjam lurasiwaykiti, yaqhep cheqanakajj mayjtʼayasiwaykchi ukasa, wakisitapatwa ukham lurasiwayi.
Kuntï uñjawayktan ukat sipansa jukʼamp mayjtʼäwinakaw inglés arut Traducción del Nuevo Mundo Biblian utjawayi. Ukhamatwa jichhajj uka Biblia liytʼañasa, amuytʼañas jan chʼamäjjeti. Cheqas Diosajj jiwasar parlañ munasaw uka Biblia churawayistu.
Medidanaka
Hebreo calendario