Amtañataki wali wakiskir uru
Amtañataki wali wakiskir uru
Jesusan jiwäwip amtañatak urut parlasktanxa. ¿Kunatsa uka urux wali wakiskirixa? Akïrinakatäspawa.
Maynïrixa, mä jaqix kunayman yantʼanakan jikxataskasas Diosat janiw jithiqtkaspati, ukwa Jesusax jiwañkama Diosat jan jithiqtas luqtasax uñachtʼayäna.
Criston jiwatap laykurakiw mä qhawqha jaqinakax jupamp chika alaxpachan apnaqapxani. Ukatxa, jiwäwip laykurakiw walja jaqinakax wiñayataki kusisita aka Uraqin jakasipxani.
Jesusax janïr jiwkasaxa, kunjamsa jaqinak layku jakäwip luqtasiñapäna uk uñachtʼayañatakix jan levaduran tʼantʼampi ukat vinompwa aptäna, ukat arkirinakaparux akham sänwa: “Akxa nayat amtasisin lurapxam” sasa (Lucas 22:19). ¿Jumax uk amtätati?
Jehová Diosan Qhanañchirinakapax wali munasiñampiw Jesusan jiwäwip amtañatak jawstʼapxsma. Jichha marax abril phaxsit 9 urunak saraqat jueves uruw jiwäwip Inti jalantxar amtasini. Uta jakʼamankki uka Tantachasiñ Utaruw sarasma. Mirä amp suma, kuna horasänisa ukat kawkjankanisa uk yatiñatakix markamankir Jehová Diosan Qhanañchirinakaparuw jisktʼäta.