“¿Uraqix jaqin tukjatat uñjaspachäni?”

● Alaxpachat uñtanitaxa Uraqix janqʼu azul joyäkaspas ukhamawa. Ukampis jakʼat uñjxasaxa, jan walir purirjamawa. ¿Kunatsa? Kunattix jaqinakaw jan wali inquilinonakjamax samansa, umsa wal qʼañuchasipki, quqanaksa qʼal chhaqtayasipki ukat kunaymanitwa Uraq jan waltʼayasipki. Ukampis janiw ukakïkiti, jan ukasti nuwasiñanakampi jaqi jiwayasiñanakampi ukat wachuq qʼañu luräwinakampiw jaqinakax sarnaqäwipsa jan waltʼayapxi, ukhamatwa Diosampis jan sum apasipkiti.

Ukham jan walinak utjañapxa, niya pä waranq maranak nayraw Biblian muspharkañ profecianakapan qillqatänxa (2 Timoteo 3:1-5; Apocalipsis 11:18). Ukhamarusa, uka jan waltʼäwinakxa janiw khiti jaqis askichkaniti, jan ukasti Diosaw askichani sasaw Bibliax qhanañcharakïna. Uka tuqinakatxa, “¿Uraqix jaqin tukjatat uñjaspachäni?” sat taqinitak arstʼäwinwa qhanañchtʼasiskani. Ukaxa, Jehová Diosan Qhanañchirinakapan kimsa uru jachʼa tantachäwipanwa arstʼasini. Uka jachʼa tantachäwin pʼiqiñchäwipaxa akawa: “Reinomampisti apnaqapxita”. Uka tantachäwinakaxa, Estados Unidos markanxa mayo phaxsitwa qalltasiwayi ukat Uraqpachanwa apasiskarakini.

Uka jachʼa tantachäwir sarañamatakiw chʼamañchtʼanipxsma. Uka tuqit jukʼamp yatxatañatakixa, markamankir Jehová Diosan Qhanañchirinakaparuw jisktʼasma jan ukax aka revista luririnakaru. Ukat kawkhansa Perú ukat Bolivia markan apasiskani ukax Internetan www.pr418.com chiqanwa jikxatasi.