Munat liytʼirinaka
Aka revistajja, 1879 julio phajjsitwa lurasiwayi. Uka marat aksarojja, tiemposa ukat aka revistas mayjtʼawayjjarakiwa, (Alayankki uka fotonak uñjjattʼäta). Ukhamasti, aka phajjsitjja, Yatiyañataki revistajj mä jukʼa mayjtʼayatakïskaniwa. ¿Kunanakas mayjtʼayatäni?
Walja markanakanjja, kun yatjjatañatakis Internetarukiw jaqenakajj mantjjapjje. Ukat may chʼetjjtayasakiw walja yanaptʼanak jikjjatapjje, uka yanaptʼanakajj janiw yaqha cheqan utjkiti. Jichhürunakanjja, libronaka, revistanaka ukat periodiconakaw Internetan liytʼañatakejj utj-jje.
Uk amuyasawa, Internetar mantañataki utjkistu uka cheqajj (jw.org) jukʼamp sumäñapataki ukat facilak mantañataki askichtʼasiwayi. Cheqansa, ukar mantirinakajja, 430 arunakatwa Bibliat apstʼat qellqatanak jikjjatapjjani. Jichha phajjsitjja, kuna yatichäwinakatï aka revistan utjkäna ukanakatjja, yaqhepajj Internetanakwa mistjjani.
Niyakejjay jukʼamp yatichäwinakajj Internetan mistuskakchinejja, jichha phajjsit uksarojj aka Yatiyañataki sat revistajja, 32 jananïkän ukatjja 16 jananakanikiw lurasjjani. Aka revistajja, 204 arunakanwa lurasiski, niyakejjay 16 jananikëjjchinejja, jukʼamp arunakaruw jaqokipasiskakini. *
Taqe aka mayjtʼäwinakajja, Diosan qhespiyir arunakapajj jukʼamp jaqenakar purtʼaspa uk suytanjja. Ukhamajja, aka munkañ qhana yatichäwinak purtʼaskakiñapatakejja, Internetnämsa qellqatanak toqesa apsusiskakiniwa, ukhamatwa Bibliat apstʼat qellqatanak liytʼapki, respetapki ukat kuntï Bibliajj cheqpachapun yatichki uk yatiñ munapki ukanakajj askinak jikjjatasipkakini.
Qellqerinaka
^ Yatiyañataki sat revistanjja, Aymar arut aka mayjtʼäwinakaw utjani: sapa phajjsejja, pä kasta revistaw mistuni, mayajja 16 jananakanikïniwa (edición para el público) ukajj taqenin liytʼapjjañapatakïniwa. Ukat maynïristi 32 jananakanïniwa (edición de estudio) ukajja, Jehová Diosan Qhanañchirinakapaw tantachäwinakapan yatjjatapjjani, uka tantachäwirusti taqenirakiw sarapjjarakispa.
