¿Jumajj oración mayisipunirïtati? Waljaniw orasipjje. Diosar jan creyirinakas orasipjjarakiwa. ¿Kunatsa orasipjjpacha? Francia markan oración toqet jisktʼatajja, niya chikataniw “sum jikjjatasiñatakikiw” orasipjjta jan ukajj Diosat lupʼipjjta sasin sapjjäna. Ukat Europa toqenkir yaqha markanakansa janiw Diosampi parltʼasiñatak orapkiti jan ukasti “jan sinti llakisiñatakikiw” orasipjje. Diosar confiyiri jaqenakajj utjaskarakiwa, ukampis llakinakan jikjjatasipki ukhakiw orasipjje, ukat mayisitanakapar jankʼak istʼayasiñwa munapjjaraki (Isaías 26:16).

¿Jumajj kunjamsa amuyarakta? ¿Llakinakasat sum amuytʼasiñatakikit oracionajj yanaptʼpachïstu? Jumatï Diosar confiystajja, ¿oracionanakamar Diosajj istʼantamti, jan ukajj janis istʼankiristam ukhamcha amuyasta? Oracionajj janiw sum jikjjatasiñatak mä tratamientökiti, jan ukasti, Jehová Diosar jakʼachasiñatakiwa, uk sum amuytʼañatakiw Bibliajj yanaptʼistu.