¿Jumajj kamsasmasa?

• Jïsa

• Janiwa

• Inasa

Bibliajj akham siwa

“¡Taqe chʼamani Diosajj janiw kuna jan walsa lurkaspati, janirakiw kunatejj jan cheqapäki uksa lurkaspati!” (Job 34:10). Tʼaqesiñanaka ukhamarak jan walinaka utjatapatjja Diosajj janiw juchanïkiti.

Bibliajj akham saskakiwa

• ‘Akapacha apnaqeri’ Supayaw tʼaqesiñanak utjayi (Juan 14:30).

• Jan walinakasa tʼaqesiñanakasa, jaqenakan jan wali amtanakar puripjjatapatwa utjaraki (Santiago 1:14, 15).

Jaqenakajj akham sapjjewa Jan walinak chhaqtayañatakejj taqeni chʼamachassna ukhajja, tʼaqesiñanakajj chhaqtayasispawa sasaw yaqhepajj sapjje. Yaqhepasti tʼaqesiñanakjja janiw kunapachas chhaqtayksnati sasaw sapjjaraki. ¿Jumajj kamsarakismasa?

Bibliajj akham siwa

Diosaw tʼaqesiñanak chhaqtayani. “Janirakiw jiwañas, jachañas utjkjjaniti, warariñasa ni usuyasiñasa” (Apocalipsis 21:3, 4).

Bibliajj akham saskakiwa

• Supayajj tʼaqesiñanak utjayki ukanak chhaqtayañapatakejja Diosajj Jesusaruw uttʼayi (1 Juan 3:8).

• Suma jaqenakajj wiñayatakiw aka Oraqen jakapjjani (Salmo 37:9-11, 29).