¿Aka qhepa phajjsinakan Yatiyañataki sat revista mistkäna uk liytʼtati? Ukhamächi ukhajja, aka jisktʼanakar qhanañchtʼma:

¿Kuna pusi yanaptʼanakas jachʼat suma cantañatakejj utji?

Cantañ libros sum kattʼasajja, cheqakiw saytʼasiñasa, saman katjjaruñasa, laksa mallqʼsa sum jistʼarañasa, ukhamatwa jachʼat sum cantañäni (w17.11, página 5).

¿Kunsa Israel markan imantasiñ markanakasa ukar apir thakinakas yatichistu?

Sojjta imantasiñ markanakaw utjäna, thakinakapajj suma askichatänwa, ukhamatwa jan munkasin jaqe jiwayirejj uka markanakar ratuk purïna (w17.11, página 14).

Diosajj mä sapa Yoqapar jaqenak layku churatapajj ¿kunatsa mä suma regalojja?

Wiñay jakasiñasatakiw yanaptʼistu, juchampit jiwañampitwa salvistu. Niyakejjay Jehová Diosajj Adanat jutir jaqenakarojj wal munaschistojja, juchararätas laykuw Jesusar khitanïna (wp17.6, páginas 6, 7).

Jesusajj jaktayatäkäna ukhajja, ¿kunjamsa Salmo 118:22 qellqatajj phoqasïna?

Jesusarojj janiw Mesiasarjam uñjapkänti, antisas jiwayapjjänwa. Ukhamasti ‘esquina qalar’ tukuñatakejja, Jesusajj jiwatat jaktañapänwa (w17.12, páginas 9, 10).

¿Mesiasajj jilïr wawanak toqepunit jutañapäna?

Mesiasajj janiw jilïr wawanak toqetpun jutkänti, yaqhepakiw jilïr wawanakäpjjäna. Jesé chachan David wawapajj sullkänwa, uka chachatwa Mesiasajj jutäna (w17.12, páginas 14, 15).

¿Kunjamsa Biblian yatichäwinakapajj qollasiñ toqet yanaptʼistu?

Moisesan Leyiparjamajja, jan wali usuni jaqenakajj yaqha cheqanwa jakapjjañapäna. Jiwatar llamktʼirinakasti, ampar jareqasipjjañapänwa. Jaqenakajj necesidadap lurasajj allintapjjañapänwa. Yoqall wawanakarojj kimsaqallqo ururuw circuncidapjjañapäna, ukhaw jiskʼa wawanakan wilapajj sum thaytʼi (wp18.1, página 7).

¿Kunatsa jiwas pachparu munasiñajj walikïskiwa sasajj sistanjja?

Jaqe masisarojj jiwas pachparjamaw munasiñasa (Mar. 12:31). Chachanakajja, “warminakaparojj pachpa cuerpoparja[maw] munasipjjañapa” (Efes. 5:28). Ukampis jiwas pachparuki añcha munasiñajj janiw walïkaspati (w18.01, página 23).

¿Diosar serviñan jiltaskakiñatakejj kunsa lurañasa?

Bibliat sum yatjjatañasawa, yateqktan ukanakat lupʼiñasawa, ukarjamaw sarnaqañasaraki. Espíritu santompis irpayasiñasawa, yanaptʼapjjestani ukhasa yuspärañasawa, istʼasirïñasarakiwa (w18.02, página 26).

¿Kunatsa jutïr urunakat yatiñatakejj astrologonakarusa yatirinakarus jan jisktʼañasäki?

Walja razonanakaw utji, jukʼampis Bibliarjamajja Diosatakejj janipuniw uk lurañajj walïkiti (wp18.2, páginas 4, 5).

Invittʼatatï ‘jutäwa’ sisstan ukhajja, ¿kunsa lurañasa?

Jiwasatï invittʼatajj ‘jutäw’ sisstanjja phoqañasawa (Sal. 15:4). Janiw amanut jan sarañasäkiti. Ukham lursna ukhajja, invittʼirin manqʼa phayañatak chʼamachasitapajj inamayakïspawa (w18.03, página 18).

¿Kunsa jilatanakajj Timoteot yateqasipjjaspa?

Timoteojj mayninakat llakisïnwa, jupatakejj Diosar serviñaw nayrankäna, Jupar serviñatakis chʼamachasirakïnwa. Kuntï yateqkäna ukarjamaw jakäna, Diosar serviñanjja jiltaskakïnwa, Diosan espíritu santoparus confiyarakïnwa. Jilïr irpirinakasa mayni jilat kullakanakas taqeniw jupat yateqasiñasa (w18.04, páginas 13, 14).