¿Jiwatanakajj jaktanipjjpachäniti?
Janiw khitis jiwañat escapkaspati. Ukhamajj ¿jiwañarukit taqe kunas tukusjjpacha? ¿Jiwatanakarojj janipunit mayampsa uñj-jjañäni? ¿Kunapachas kuttʼanipjjpachäniti?
BIBLIAJJ KAMSISA UK AMUYTʼAM
DIOSAJJ JANIW JIWATANAKAT ARMASKITI
“Taqe khitinakatï sepulturankapki ukanakajj [...] mistunipjjaniwa” (Juan 5:28, 29).
Diosajj taqe jiwatanakat janiw armaskiti, amtasiskakiwa ukatwa jupanakar jaktayjjani.
AKA ORAQENWA JIWATANAKAJJ JAKTANIPJJANI
“Cheqapar sarnaqer jaqenakasa jan cheqapar sarnaqer jaqenakas jaktanipjjaniwa” (Hechos 24:15).
Walja millón jaqenakaw jaktanipjjani, ukatjja wiñay jakañ suytʼäwinïpjjarakiniwa, sumankañanwa jakasipjjarakini.
CHEQAPUNIW JIWATANAKAJJ JAKTANIPJJANI
“[Diosaw] warawaranak jaktʼi, sapa mayarusti suti ucharaki” (Salmo 147:4).
Diosatï sapa warawaranakar suti uchchi ukhajja, khitinakarutï jaktayañ munki ukanakatjja, janiw maynitsa armaskaniti.
