¿Bibliajj kamsisa?
¿Kunas jan ukajj khitis Supayajja?
JUMAJJ KAMSASMASA ¿Supayajj . . .
mä ajayüpachati?
jaqenakan chuymapan jan wali utjki ukakiti?
janit utjkpacha?
BIBLIAJJ AKHAM SIWA
Mä kutejja, Jesusajj Supayampiw parläna, Supayasti juparojj yantʼänwa (Mateo 4:1-4). Ukhamasti Supayajj cheqapuniw utjaski, janiw jaqenakan chuymapan jan wali utjki ukakïkiti. Supayajj mä ñanqha ajayuwa.
BIBLIAJJ AKHAM SASKAKIWA
Qalltanjja, Supayajj mä suma angelänwa, ukampis qhepat janiw ukhamäjjänti (Juan 8:44). Jupajj kʼariruw tuküna ukatsti Dios contraw saytʼasirakïna.
Jupamp chikajj walja angelanakaw Dios contra saytʼapjjäna (Apocalipsis 12:9).
Supayajja, janis jupajj utjkaspa ukhamwa jaqenakar amuyayañ muni (2 Corintios 4:4).
¿Supayajj jaqenakar apnaqaspati?
JAQENAKAJJ AKHAM SAPJJEWA ‘Supayajj janiw jaqenakar apnaqkaspati, ukajj kʼariwa’ sasa. Ukampis yaqhepanakajj Supayampi apnaqatäñ wal ajjsarapjje. Jumajj ¿kamsasmasa?
BIBLIAJJ AKHAM SIWA
‘Taqe aka oraqpachajj Supayan munañapankiwa’ sasa (1 Juan 5:19). Supayajj kunaymanitwa jaqenakarojj jan walinak lurayaspa, ukampis janiw sapa mayni jaqer apnaqkiti.
BIBLIAJJ AKHAM SASKAKIWA
Supayajj kʼarinakampiw jaqenakar sallqjje (2 Corintios 11:14).
Awisajja, ñanqha ajayunakajj jaqenakar mantaspawa (Mateo 12:22).
Diosan yanaptʼapampejja, Supayarojj atipjsnawa (Santiago 4:7).
