Sañäni, Estados Unidos markankir Sally * sat warmejj mä jachʼa thaya utjatapatwa taqe cosasanakap aptʼasïna. Jupajj akham siwa: “Janiw jukʼamp aguantjjäti sasaw amuyasiyäta, walja urunakaw jan kunatak chʼamani jikjjatasirakiyäta” sasa.

Mä familiaran jiwatapajj wali llakkañawa. Australia Markankir Janice sat warmejj akham siwa: “Pä wawanakajajj jiwjjäna ukhajja, chuymajajj akchʼa akchʼa tukjatäkaspas ukhamänwa, qʼala aynachtʼatapuniyätwa. Chuymaj sumakëjjañapatakejj wal chʼamachasiñajänwa. ‘Dios Tata, ¡janiw jukʼamp aguantirjamäjjtti! Amp suma jiwañakwa munjjta’” sasaw Diosar mayisiyäta.

Daniel chacharusti, esposapaw yaqhampi engañjäna. Jupajj akham siwa: “Esposajajj nayar yaqhamp engañaskatap yatiyitäna ukhajja, mä cuchillompis chuymat jununtkitaspa ukhamänwa. Chuymajj wal usutäna, walja kutis cuchillomp ukham lurkitaspa ukhamaw walja phajjsinakajj jikjjatasiyäta” sasa.

¿Aka aynachan uñstki ukham jan walinakan uñjasirïtati?

• Oraqen jan waltʼäwinak utjipana

• Munat familiar jiwipana

• Chacha warmit maynejj yaqhamp eñgañjipana

• Jan qollkay usunïsa

• Jan kunatak servirjam amuyasisa

Jan waltʼäwinakan uñjaskasas kunatsa jakañamajj wakisiskaki ukwa Yatiyañataki sat aka revistajj qhanañchaskani.