KUNJAMSA UÑISISIÑAR ATIPJASISPA
2 | Jan vengasimti
Bibliajj akham siwa:
“Jan khitirus jan walit jan walimpi kuttʼayapjjamti [...]. Kawkhakamay wakischini ukhakamajj taqe jaqenakampi sumankapjjam. Munat jilatanaka, jan vengasipjjamti [...], kunjamtï qellqatäkejja: ‘Nayaw vengasiskäjja, nayaw ukhamat ukham kuttʼayaskäjja’ siw Jehová Diosajja” (ROMANOS 12:17-19).
¿Kamsañsa muni?
Maynin jan wal luratajja, colerasismawa ukampis Diosajj janiw vengasiñam munkiti. Antisas jupar suytʼañamwa muni, jupajj taqe jan walinak niyaw askichjjani (Salmo 37:7, 10).
Akwa lurasma:
Maynit vengastan ukhajja, uñisisiñ jukʼamp utjañapatakiw chʼamañchtanjja. Maynitï jan wal lurstam ukhajj janiw ukhamat ukhama kuttʼayañamäkiti. Janiw jankʼak colerasiñamäkiti, pacienciampiw suytʼañama, awisajja armjjañaw wakisi (Proverbios 19:11). Jan ukajj uka toqet parlañaw awisajj wakisirakispa. Sañäni, jumarutï jan wal lurapjjstam ukhajja, policiaru jan ukajj autoridadanakaruw yatiyasma.
Vengasiñajja mayni pachparuw jan waltʼayi
Jan sumat askichañjamäkchi, jan ukajj sumat askichañatak chʼamachasisas jan askichañjamäkchi ukhajj ¿kunsa lurasma? Janiw vengasiñamäkiti, ukham lurasma ukhajja, jukʼamp uñisisiñaruw chʼamañchasma, antisas uñisisiñ jan utj-jjañapatakiw chʼamañchañama. Diosaw askichani sasaw confiyañama. Bibliajj akham siwa: “Jupar confiyam, jupasti juma favoraw saytʼani” sasa (Salmo 37:3-5).
Akanakajj inas gustarakiristam
BIBLIAW JUPANAKAR YANAPTʼAWAYI
Ina chʼusat tʼaqhesiñanak tukjañwa munayäta
Rafikajj ina chʼusat tʼaqesiñanak chhaqtayañatakejj mä gruporuw mayachtʼasïna. Ukampis qhepatjja Biblian mä promesapwa yatjjatäna, ukarjamajj Diosan Reinopakiw suman jakasiñsa cheqapar uñjatäñsa aka oraqer apanini sasaw amuyjjäna.
BIBLIAW JUPANAKAR YANAPTʼAWAYI
¿Munasiñajj uñisisiñar atipjaspati?
Uñisisiña yaqhachasiña jaytañajj wali chʼamäspawa. Mä judío chachampi mä palestino chachampejj kunjamsa uñisisiñsa yaqhachasiñsa jaytawayapjje uk aka videon uñtam.
