KUNJAMSA UÑISISIÑAR ATIPJASISPA
1 | Janiw yaqhachasirïñamäkiti
Bibliajj akham siwa:
“Diosajj janiw khitirus yaqhachkiti. Jan ukasti khitinakatï taqe markanakan jupar ajjsartʼapki, kunatï cheqapäki ukarjam lurapki ukanakarojj Diosajj katoqewa” (HECHOS 10:34, 35).
¿Kamsañsa muni?
Jehová * Diosajj janiw yaqha markankirïtasata, yaqha color jañchinïtasata, yaqha costumbrenïtasata juchañchkistuti. Jan ukasti kunjamätansa ukwa uñjistu. Cheqansa “mä jaqejj kuntï nayrapajj uñjki ukakwa uñji, ukampis Jehová Diosajj kunatï chuyman utjki ukwa uñji” (1 Samuel 16:7).
Akwa lurasma:
Janis maynin chuymap uñjkstanjja, Diosat yateqassnawa, jan yaqhachasas yaqhanakar uñjaraksnawa. Mä grupojj kunjamasa uk uñjañat sipansa, sapa maynejj kunjamasa uk uñjañatakiw chʼamachasiñasa. Juman chuymamantï yaqha kasta jañchininakaru, yaqha markankirinakaru yaqhachañajj utjchi ukhajja, uk apsuñatakejj Diosaruw orasiñama (Salmo 139:23, 24). Jehová Diosar yanaptʼa mayisïta ukhajja, jupajj yanaptʼätamwa (1 Pedro 3:12).
^ Párrafo 6 Diosajj Jehová satawa (Salmo 83:18).
“Janipuniw janqʼo jañchini jaqenakampejj ukham sum apasirïkti [...]. Jichhajj oraqpachankir mayachtʼat mä familia taypinkjjtwa” (TITUS).
Akanakajj inas gustarakiristam
YATIYAÑATAKI
‘Taqe kasta jaqes Diosatakejj mayakiwa’
Jehová Diosajj taqe khitinakatï yaqha kasta janchinïkasinsa, yaqha marakatäkasinsa ukat qollqenïkasinsa Diosar servipki ukanakan oracionanakaparojj Jupajj istʼiwa. ¿Kunatsa uk yattanjja?
