Uka qhanañchäwinakajj Diosan Arup jukʼamp sum uñtʼañatakiw yanaptʼätam. Ukanjja mä versiculojj kuna tiemponakatsa parli, kunatsa qellqasïna, khitinakatakis qellqasïna, jan ukajj Biblian yaqhep arunakapajj kamsañsa muni ukanakaw qhanañchasi.

Watchtower INTERNETANKIR BIBLIOTECA^™ jan ukajj JW Library^® sat aplicacionarus mantkchïtajja, Bibliat yatjjatañataki sat qellqatan referencianakaparojj mä versículo toqew cheqak mantasma. Kawkïr Biblianakantï yatjjatañatak yanaptʼanakanïki ukanwa uka referencianak jikjjatasma.

Uka referencianakar mantasajj kunjam ordentʼatasa ukwa uñjjattʼañama. Qalltanjja jichhak mistur yatichäwinakaw uñsti. Aynach toqer saraqkasajj jukʼamp nayra yatichäwinakwa jikjjatäta. Uka qhanañchäwinakat yaqhepajj janiw actualizatäkaspati.

• Watchtower INTERNETANKIR BIBLIOTECA sat cheqanjja, Bibliat yatjjatañataki sat qellqatan referencianakapajj cheqakiw uñsti.

• JW Library sat aplicacionan uka qhanañchäwinakap uñjañatakejja, Bibliat yatjjatañataki sat qellqatwa apaqasiñama, sapa kuti actualizaskani uksa apaqasiñamarakiwa. Ukatakejj yatjjatañatak yanaptʼanakanïki uka Biblian kawkïr capitulor mantasas alay toqen uñstki uka botonaruw limtʼañama.