Mä urojja, Nueva Zelanda markankir mä kullakajj Preocupémonos unos por otros sat video uñtäna, uka videojj janiw Jehová Diosan sinttʼasirïtapatak parlkiti, jan ukasti kunjamsa uk uñachtʼayi uka toqetwa parlaraki (Is. 63:7-9). Ukatwa uka kullakajj ukarjam lurañatakejj maynir yanaptʼañ thaqäna. Uka urojj alasiriw utapat mistuwayäna, callen jakasir mä warmir uñjasajja, “¿Manqʼa altʼarapirismati?” sasaw jisktʼäna. Uka warmejj “iyaw” sarakïnwa. Manqʼa alatamp kuttʼanisajja, ¿Tʼaqesiñanakajj tukusjjpachäniti? sat tratadompiw kullakajj uka warmir predicäna.

Uka warmejj wal jachäna. “Jehová Diosar servir familianwa jilsuwayta, congregacionat jitheqtatajjat walja maranakäjjewa” sasaw säna. Ukampis uka urunakanjja, congregacionar kuttʼaniñatakiw Jehová Diosar mayisitayna. Kullakajj mä Biblia jupar churäna, Bibliat yateqañ qalltañatakiw parlapjjarakïna. a

Jiwasajj Jehová Diosjamarakiw jaqenakat sinttʼasirïtas uñachtʼaysna, ukatakejj familiaranakasata congregacionankir jilat kullakanakasatwa sinttʼasna. Maysa toqetjja, predicañatak chʼamachasisaw sinttʼasirïtas uñachtʼaysna.