Mä chacha warmejja, sapa alwaw mä sarnaqäwi liytʼapjje, jupanakajj akham sapjjewa: “Uka sarnaqäwinakajj kusisiyapjjetuwa, wal chʼamañchtʼapjjarakitu. Walin jan walin uñjaskasas kunjamsa Jehová Diosar serviskaksna ukwa amtayapjjetu” sasa. Mä kullakajj niya ukhamwa saraki, jupajj akham siwa: “Uka sarnaqäwinakajj chuymarupuniw purtʼitu, chuymachtʼarakituwa. Uka jilat kullakanakan jakäwinakapajj janiw inamayäkiti, mä amtampiw jakapjje. Sarnaqäwinakapajj jukʼamp predicañatakiw chʼamachtʼitu, kunjamsa wawanakajarojj sapürunjam Diosar serviñ amtapjjañapatak yanaptʼirista uksa amuytʼayarakituwa” sasa.

Cheqas uka sarnaqäwinakajj Jehová Diosar jukʼamp serviñ amtañamatakiw yanaptʼiristam, jan walinak apanukuñatakisa, yantʼanak jan aynachtʼas kusisit aguantañatakis yanaptʼarakiristamwa. ¿Kawkinsa uka sarnaqäwinak jikjjatasma?

• Internetan jw.org cheqana jan ukajj JW Library® sat cheqanwa “Biografías de testigos de Jehová” siski uka cheq thaqtasma.

• INTERNETANKIR BIBLIOTECA^™ jan ukajj Watchtower Library ukanwa “Biografías de testigos de Jehová” siski uka cheq thaqtasma.