Cheqas awisajja, Bibliat sapak yatjjatañatakejj janiw walja tiempojj utjkistaspati. Ukhamajj ¿kunsa Bibliat sum yatjjatañatakejj lurasma? Nayraqatjja, tiempo apstʼaskta uk sum aprovechtʼam. Aleq liyirpayañat sipansa, mä jukʼak wali amuyump liytʼañaw jukʼamp sumajja.

Ukjjarusti, kunsa nayraqat yatjjatasma uk amtam (Efes. 5:15, 16). Aka ewjjtʼanakarjamaw ­lurasma:

• Sapüruw Biblia liytʼañama (Sal. 1:2). Qalltañatakejja, semanan apaski uka tantachäwi­nakatak apstʼat capitulonakwa liytʼasma.

• Congregacionan yatjjataskani uka Yatiyañataki revistatsa, semanan apaski uka tantachäwitakis janïräkipan wakichtʼasiñamawa. Tantachäwin comentañatakiw wakichtʼasiñama (Sal. 22:22).

• Yatjjatañatak jukʼamp tiemponïyäta ukhajja, yaqhanakamp kun yatjjatañamawa. Ukanakat mä qhawqhajj akanakäspawa: predicañatak revistanaka, videonaka, Internetan jw.org cheqan mistki taqe ukanakampi.

• Kunanakatsa yatjjatañ munasma uk amtam. Inas mä jan walir saykatañataki, mä jisktʼar jaysañataki jan ukajj Biblian mä yatichäwipat jukʼamp sum amuyañatak jukʼamp yatjjatchisma. “Actividades para estudiar la Biblia” siski uka cheqanwa jw.org cheqan jukʼampinak jikjjatäta.