Jehová Diosar kusisiyañatakejj juparuw confiyañasa. Ukampis “janiw taqe jaqenakajj creyentëpkiti” sasaw Bibliajj qhanañchi (2 Tes. 3:2). Ukham qellqasajja, apóstol Pablojj jupar arknaqer ‘sinti jan wali jaqenakatwa’ parlaskäna. Ukampis kuntï Diosar confiyañ toqet siskäna ukajja, yaqha jaqenakampitwa parlaskäna. Yaqhep jaqenakajj janiw Diosan taqe kun Lurirïtapar creyiñ munapkiti (Rom. 1:20). Yaqhepajj kunatï wali chʼamanïki jan ukajj khititï wali chʼamanïki ukaruw creyipjjta sasaw sapjjaspa. Ukampis ukajj janiw Jehová Diosar cheqpach confiyañäkiti.

Jehová Diosan utjatapatsa, jupar taqe chuyma confiyirinakar ‘pago churirïtapats’ janiw payachasiñasäkiti (Heb. 11:6). Diosar confiyañajj espíritu santon achup taypinkiwa. Diosan espíritu santop katoqañatakejj juparuw oracionan mayisiñasa (Luc. 11:9, 10, 13). Maysa toqetjja, Diosan espíritu santop katoqañatakejj Biblia liyiñasawa. Ukatjja liytʼktan ukat lupʼiñasawa, ukarjam sarnaqañasarakiwa. Ukhamatwa Jehová Diosan espíritu santopajj jakäwisansa jupar kusisiyañatakis yanaptʼistani.