Kunjamsa Joseajj ina chʼusat tʼaqesïna uk yatiñatakejja, Génesis 37:23-28; 39:17-23 liytʼäta.

Uka textojj kuna toqetsa parli uk yatjjatam. ¿Kunatsa Joseajj ina chʼusat tʼaqesïna? (Gén. 37:3-11; 39:1, 6-10). ¿Qhawqha tiempos uk aguantäna? (Gén. 37:2; 41:46). Ukhaman uñjaskäna ukhajj ¿kunsa Jehová Diosajj jupar yanaptʼañatak luräna, ukat kunsa jan lurkarakïna? (Gén. 39:2, 21; w23.01 17 párr. 13).

Jukʼamp yatjjatam. Joseajj Potifaran warmipan kʼarintatajj arsusïnwa sasajj janiw Bibliajj qhanañchkiti. ¿Kunatsa Joseajj jan arsuskpachäna? ¿Kunatsa Bibliajj mä sarnaqäwit parlkasajj jan taq qhanañchkpacha? (Prov. 20:2; Juan 21:25; Hech. 21:37). Ina chʼusat tʼaqesitap aguantañatakejj ¿kunjam chuymanïñas Josear yanaptʼpachäna? (Miq. 7:7; Luc. 14:11; Sant. 1:2, 3).

Kunsa yateqta uka toqet lupʼim. Akham sasin jisktʼasim:

• “Jesusan discipulopäsajj ¿kunjamsa ina chʼusat tʼaqesiyat uñjaspachäyäjja?” (Luc. 21:12, 16, 17; Heb. 10:33, 34).

• “¿Kunas ina chʼusat tʼaqeskä ukhajj aguantañatak yanaptʼitani?” (Sal. 62:7, 8; 105:17-19; w19.07 2-7).