Jeremías 38:1-13 liytʼasajja, Jeremías profetampin Ébed-Mélec eunucompin jan ajjsartʼirïpjjatapat yateqasim.

Uka textojj kuna toqetsa parli uk yatjjatam. ¿Kunjamsa Jeremiasajj Jehová Diosan arunakap jan ajjsartʼas yatiyäna? (Jer. 27:12-14; 28:15-17; 37:6-10). Jeremiasar istʼirinakajj ¿kunjamsa arunakap katoqasipjjäna? (Jer. 37:15, 16).

Jukʼamp yatjjatam. ¿Kunsa jaqenakajj Jeremiasar lurayañ munapjjäna? (jr 35, 36 párrs. 20-22). Nayra uma estanquenakat jukʼampinak yatjjatam (it-1-S 489). Uka estanque manqhankkasasa ñeqʼer chhaqarantkasas ¿kunjamakis Jeremiasajj jikjjataspachäna? ¿Kunanakarus Ébed-Mélec chachajj ajjsarpachäna? (w12-S 1/5 31 párrs. 2, 3).

Kunsa yateqta uka toqet lupʼim. Akham jisktʼasim:

• “Uka sarnaqäwirjamajj ¿kunjamsa Jehová Diosajj jupat jan jitheqtir servirinakapar jarkʼaqe?” (Sal. 97:10; Jer. 39:15-18)

• “¿Kunapachas jan ajjsartʼirïñajajj wakisini?”

• “Jan ajjsarirïñatakisa kunatï walïki uk lurañatakis ¿kunsa lurirista?” (w11 1/3 30). a