Jan wali jaqenakampi tʼaqesiyat uñjasiñajj kunja jan walisa uk Jesusajj sum yati. Juparojj kʼarintapjjänwa, ina chʼusatwa nuwjapjjäna, juzgapjjäna, wal tʼaqesiyas jiwayapjjarakïna. Jesusajj janis kuna jan walsa lurkchïnjja, jaqenak laykuw jiwäna, “ukhamat waljanir juchat kutsuyañataki” (Mateo 20:28; Juan 15:13). Jichhajja, Jesusajj Diosan Reinopan Reyipawa. Ukhamajj niyaw jan walinak lurapki uka jaqenakarojj tukjani, oraqpachan taqe jaqenakajj cheqaparjam uñjatäpjjañapatakiw yanaptʼarakini (Isaías 42:3).

 Jesusajj jan wali jaqenakar tukjkani uka qhepat kunjamas jakasjjañäni uk Bibliajj akham siwa:

•   “Jan wali jaqenakajj janiw utj-jjaniti, kawkjantï jupanakajj jakapkäna uka lugarar uñtkäta ukhajja, janiw jupanakajj ukankjjapjjaniti. Ukampis llampʼu chuymaninakajj oraqwa katoqapjjani, jan tukuskir sumankañampiw jupanakajj wal kusisipjjarakini” (Salmo 37:10, 11).

 Kuntï Jesusajj lurawayki jutïrinsa lurkani ukat yuspäratas ¿kunjamsa uñachtʼaysna? Lucas 22:19 textonjja, Jesusajj jupan jiwatap amtapjjañapatakiw discipulonakapar mayïna. Uka arunakar istʼasaw Jehová Diosan Testigonakapajj Jesusan jiwatap amtañatakejj sapa mara tantachasipjje, uka urutakejj jumajj invittʼatarakïtawa. Aka marajja, domingo 24 de marzo uruw uka tantachäwejj apasini.

Kawkjanakansa Jesusan jiwatapajj amtasini