¡AMUYASIPJJAPUNIM!
¿Khitirus confiysna? | ¿Bibliajj uka toqet kamsisa?
Confiykañ jaqëpjjañapäkchisa, jupanakajj jan confiykañ jaqëpjjatapwa uñachtʼayapjje, uk uñjasajja jaqenakajj janiw khitirus confiyañ munjjapjjeti. Jilapartejj akanakar janiw confiyjjapjjeti:
Politiconakaru, jupanakajja jaqenakat llakisiñat sipansa jupanakan askipakwa thaqapjje.
Noticianak yatiyirinakaru, jupanakajj janiw kunatï cheqäki uk noticianakan yatiyapkiti, jan ukasti amuyuparjamakiw yatiyapjje.
Cientificonakaru, jupanakat yaqhepajj janiw jaqenakan askipatak trabajapkiti.
Religión pʼeqtʼirinakaru, jupanakajj Dios toqet saytʼasiñat sipansa politicarukiw jukʼamp mitisipjje.
Cheqansa, khitirus confiyañäni uk sumwa ajlliñasa, Bibliajj akham siwa:
“Jilïr jaqenakarojj jan alkatapjjamti, jiwir jaqëpjjatap laykojj janiw qhespiyapkaspati” (Salmo 146:3, Qullan Arunaka).
Confiykañ mä apnaqeri
Khitirus confiyasma uk Bibliajj qhanwa yatichi, jupajj Jesucristowa. Jupajj janiw nayra maranakan jakiri mä suma jaqekïkänti. Jan ukasti, Bibliajj Jesusat akham siwa: “Jupajj wiñayataki mä Reyjam apnaqani, janirakiw Reinopajj tukuskaniti” sasa (Lucas 1:32, 33). Diosajja, jupan Reinopan Reyïñapatakejj Jesusaruw uttʼayawayi. Jupajj mä Reyjamaw jichhürunakan alajjpachat apnaqaski (Mateo 6:10).
Kunatsa Jesusar confiyasma uka toqet jukʼamp yatiñatakejja, “¿Diosan Reinopan khitis Reyit uttʼayatajja?” ukhamarak “¿Kunsa Diosan Reinopajj lurani?” sat yatichäwinakwa liytʼasma.