Jehová Diosan Testigonakapajj taqenin yateqkañwa Bibliat yatichapjje. Bibliat yateqañajj akham yanaptʼiristam:

•   Kusisit jakasiñataki.

•   Diosan amigopäñataki.

•   Jutïritak Biblian utjir promesanak yateqañataki.

Aka cheqanjja, aka jisktʼanakaw qhanañchasiskani:

•  ¿Kunjamsa Bibliat yatichapjjta?

•  ¿Qollqe pagañajj wakisiti?

•  ¿Qhawqha tiempos Bibliat yatichasi?

•  ¿Kunampis qalltirista?

•  ¿Bibliat yatichayasiñ yantʼiristti?

•  Bibliat yateqañ qalltasajja, ¿Testigor tukuñajapunit wakisini?

•  ¿Pachpa Bibliajampit yatichayasirista?

•  ¿Bibliat yateqañan maynejj compañitaspati?

•  Nayrajj mä Testigompis Bibliat yateqaskchiyätjja, ¿wasitat yateqeristti?

•  ¿Mayni sapaki Bibliat yateqañatakejj yanaptʼanakajj utjiti?

 Mä yatichiriw Bibliat yateqañamatak yanaptʼätam, sapa yatichäwirjamaw yaticharakïtam. ¡Wiñayatakiw kusisit jakasisma! sat qellqatampiw kunsa Bibliajj yatichi, kunjamsa uk yatiñajj yanaptʼiristam uk yateqäta. Jukʼamp yatiñatakejja, aka video uñtasma.

 Janiwa. Jehová Diosan Testigonakapajj Jesusan mayitaparjamaw lurapjjta, “gratisakiw katoqapjjtajja, gratisakirak churapjjam” sasaw jupajj discipulonakapar säna (Mateo 10:8). Kunanakatï Bibliat yateqañatak churaski ukanakat pagañamajj janiw wakiskarakiti, gratisakiw mä Bibliampi ¡Wiñayatakiw kusisit jakasisma! sat mä qellqatampi katoqäta.

 Qalltat tukuykamajj 60 yatichäwinakaw yateqasiñapa. Uka yatichäwinakat qhawqsa yateqäta ukajj jumatäjjewa, yaqhepanakajj semanan mä yatichäwi yateqañ amtapjje, yaqhepanakasti jukʼamp yatichäwinakaraki.

1.  1. Yatichayasiñatak formulario phoqantam. Datonakam phoqantkäta ukjja, mä Testigon jumampi parlañapatakikiw apnaqasini.

2.  2. Jumar Bibliat yatichañatakejj mä Testigow jawsanïtam. Jupajj kunjamsa Bibliat yatichasi uk qhanañchtʼätam, kuna jisktʼamas utjani uks qhanañchtʼarakïtamwa.

3.  3. Bibliat yatichirimampiw kunjamsa yatichätam uk amtjjapjjäta. Yatichirimajj kawkjanktatï ukanwa yatichiristam, jan ukajj telefonota, videollamada, correo toqew yatichiristam. Niya mä horäspawa, jayäspawa jan ukajj minusäspawa. Qhawqhay tiempomajj utjchi ukarjamaw yateqäta.

 Jïsa, yantʼasmawa. Ukatakejj yatichayasiñatak formulario phoqantam. Mä yatichirejj jawsanïtam ukhajja, yateqañ muniristti janicha uk yatiñatakikiw yantʼañ munta sasaw jupar sasma. Ukatjja ¡Wiñayatakiw kusisit jakasisma! sat folletompiw qalltapjjasma, uka folletojj nayrïr kimsa yatichäwinakaniwa.

 Janiwa. Jehová Diosan Testigonakaparojj jaqenakar Bibliat yatichañajj walsa gustkchejja, janipuniw khitirus aka religionankañapatak khitirus waytʼapkiti. Antisas kuntï Bibliajj yatichki uk respetompiw qhanañchtʼapjje, sapa mayniw kunsa creyini uk amtjjañapa sapjjarakiwa (1 Pedro 3:15).

 Jïsa. Kawknïr Bibliampis yateqäta ukajj jumatäjjewa. Jehová Diosan Testigonakapajj fácil amuykañäki exactökaraki uka Machaq Mundon Jakirinakataki sat Bibliampis yatichapkstjja, waljaniruw pachpa Bibliapampi yateqañajj gusti.

 Jïsa. Taqpach familiamampiw yateqasma, amistadanakamas jumamp chikaw yateqapjjaspa.

 Jïsa. Inas jichhajj nayrat sipans yateqañajj jukʼamp gustchïtam. Kunas jichhajj jaqenakar yanaptʼaspa ukarjamaw yatichasi. Nayrat sipansa, jichhajj yateqerimpi yatichirimpiw purapat jukʼamp parltʼasipjje, dibujonakampi, fotonakampi, videonakampiw yatichasiraki.

 Jïsa, utjiwa. Mä yatichirimp yatichatajj facilakiw maynejj Bibliat yateqaspa, ukampis yaqhepanakajja sapakiw Bibliat yatjjatañ munapjje. “Bibliat yatjjatañatak yanaptʼanaka” siski uka cheqanjja, gratisakiw uka yanaptʼanakajj utji. Ukanakat yaqhepanakajj akanakawa:

•   Bibliat yatjjatañatak videonaka. Ukanjja Biblian mä qhawqha yatichäwinakapatwa mä jukʼa qhanañchi.

•   Bibliat yatiñatak jisktʼanaka. Bibliat walja jisktʼanakaruw ukan qhanañchasi.

•   Qhanañchtʼat versiculonaka. Wali uñtʼat mä versiculosa yaqhep arunakas kamsañsa muni ukanakaw ukan qhanañchasi.