Jïsa. Jesusar creyipjjtwa, jupa pachpaw akham säna: “Nayätwa thakisa, cheqasa, jakañasa. Naya taypikiw Awkin ukar puriñajj utji” sasa (Juan 14:6). Nanakajj akwa creyipjjarakta, Jesusajj vidap sacrificiot loqtañatakiw alajjpachat aka oraqer jutäna (Mateo 20:28). Jesusan jiwatapampisa jaktatapampisa, jupar confiyirinakajj wiñay jakañ katoqapjjarakini (Juan 3:16). Diosan Reinopan mä Reyjam apnaqjjataparus creyipjjaraktwa, niyarakiw oraqpachan sumankañ utjayani (Apocalipsis 11:15). Ukampis Jesusajj “Awkiw nayat sipans jilïrejja” sasaw säna (Juan 14:28). Ukhamasti nanakajj janiw Jesusarojj adorapkti, janirakiw Taqe Chʼamani Diosäkaspas ukham uñjapkti.