Јеһованын Шаһидләри тәшкилаты Мүгәддәс Китаб принсипләри илә мүәјјән олунан инсанларын шәхси һәјат һүгугуна һөрмәтлә јанашыр. Тәшкилатымыз ачыг вә сәмими әлагәләр гурараг шәхси мәлуматларын топламасына өнәм верир. Бу, тәшкилатын дини фәалијјәтинә вә Јеһованын Шаһидләринин ҹәмијјәтин рифаһы үчүн јөнәлдилдији фәалијјәти асанлашдырыр вә она көмәк етмиш олур. Буна ҝөрә дә мәлуматын тәһлүкәсизлијинин горунмасы вә мәхфилијин сахланылмасы бөјүк өнәм дашыјыр (Мәсәлләр 15:22; 25:9). Бу, чох ваҹибдир (Мәсәлләр 20:19).

Бәзи өлкәләрдә мәлуматларын тәһлүкәсизлији шәхси һәјатын тохунулмазлығы һаггында ганунда тәсбит олунуб. Јеһованын Шаһидләри тәшкилаты ганунун тәләб етмәдији дөврләрдә белә мәхфилик сијасәтинә там шәкилдә риајәт едирди вә бундан сонра да лазыми тәдбирләр чәрчивәсиндә бу гајдалара риајәт едәҹәк.

Бу гајда Јеһованын Шаһидләри тәшкилаты дахилиндә, еләҹә дә бүтүн өлкәләрдәки филиалларда тәтбиг олунур.

Јеһованын Шаһидләри тәшкилаты шәхси мәлуматлардан ашағыдакы принсипләрә ујғун олараг истифадә едир:

1. Шәхси мәлуматлар дүрүст вә гануна ујғун шәкилдә емал олунур.

2. Шәхси мәлуматлар јалныз вә јалныз дини фәалијјәт вә Јеһованын Шаһидләринин ҹәмијјәтин рифаһына јөнәлдилән фәалијјәти үчүн топланыр, емал едилир вә истифадә олунур.

3. Шәхси мәлуматларын дәгиглији вә актуаллығы горунур. Мәлуматларда һәр һансы сәһвин ашкар едилдији тәгдирдә тәшкилат јахын заман әрзиндә ону арадан галдырыр.

4. Шәхси мәлуматлар тәшкилатын гануни мәгсәдләри үчүн тәләб олундуғу мүддәт әрзиндә сахланылыр.

5. Шәхси мәлуматларын саһибләринин һүгугларына һөрмәт едилир вә горунур.

6. Шәхси мәлуматларын иҹазәсиз вә ја гејри-гануни истифадә олунмамасы үчүн техники вә тәшкилати тәдбирләр ҝөрүлүр. Шәхси мәлуматларын електрон базасына јалныз парол илә горунан компүтерләр васитәсилә дахил олмаг мүмкүндүр. Компүтерләрин јерләшдији отаглар (офисләр) гејри-иш саатларында бағланыр вә һеч бир кәнар шәхс ора дахил ола билмир.

7. Әҝәр Јеһованын Шаһидләринин ҹәмијјәтин рифаһы үчүн јөнәлдилдији фәалијјәтинин тәмин едилмәси тәләб олунмурса, шәхси мәлуматлар башга сәбәбләрә ҝөрә диҝәр филиаллара ҝөндәрилмир. Һәмчинин заман нәзәрә алыныр ки, бүтүн Јеһованын Шаһидләри өз истәкләри илә Јеһованын Шаһиди олмушлар.

1. Јеһованын Шаһидләринин риајәт етдији мәхфилик сијасәти гајдаларына әсасән, шәхси мәлуматларын саһиби онларын тәһлүкәсизлијинә, еләҹә дүзәлишләрин дахил едилмәсинә вә силинмәсинә һүгугу вар.

2. Бу бөлмәдә һаггында бәһс олунан мәлуматлара дахил олмаг үчүн мүраҹиәт едән шәхсләр әввәлҹә там шәкилдә өз шәхсијјәтини тәсдиг етмәлидирләр.

3. Әҝәр кимсә шәхси мәлуматларына дахил олмаг, јахуд өзү һаггында мәлуматы силмәк вә ја она дүзәлиш етмәк үчүн мүраҹиәт едирсә, мүраҹиәтә тәшкилатын мараглары вә гануни һүгуглары нәзәрә алынараг бахылаҹаг ки, шәхси мәлумата ҝириш, она дүзәлишин едилмәси вә ја онун силинмәси тәшкилата һеч бир зәрәр ҝәтирмәсин вә онун ичиндәки әмин-аманлығы позмасын.

4. Бизим тәшкилат Јеһованын Шаһиди олан шәхсләр һагда мәлуматларынын сахланылмасында мараглыдыр. Бу ҹүр мәлуматларын силинмәси тәшкилатын фәалијјәтинә вә инанҹларына мәнфи тәсир ҝөстәрә биләр.

Мәлуматларын саһиби һүгугларынын позулдуғуну һесаб едирсә, о, бунунла бағлы мәктуб јазараг Филиал комитәсинә мүраҹиәт едә биләр. Мәктуб апелјасијанын верилмәсинин нәзәрдә тутулдуғу һадисәнин башвермә тарихиндән сонра ики һәфтә әрзиндә ҝөндәрилмәлидир.