Аллаһын баш дүшмәни Шејтан Иблисдир. О, Аллаһа гаршы үсјан галдырмыш руһани варлыгдыр. Шејтан Аллаһа гаршы мүһарибә апарыр вә адамларын башына чохлу бәлалар ҝәтирир. Шејтан писдир. О јаланчы вә гатилдир (Јәһја 8:44).

Башга руһани варлыглар Аллаһа гаршы үсјанда Шејтана гошулдулар. Мүгәддәс Китаб онлары ҹин адландырыр. Ҹинләр дә, Шејтан кими, инсанлара дүшмәндирләр. Онлар адамлары инҹитмәкдән һәзз алырлар (Мәтта 9:32, 33; 12:22). Јеһова Шејтаны вә онун ҹинләрини әбәди мәһв едәҹәк. Бир аздан онлар инсанлара артыг һеч вахт әзаб вермәјәҹәкләр, чүнки онларын сону јахынлашыр (Вәһј 12:12).

Аллаһла достлашмаг истәјирсәнсә, Шејтанын истәдијини етмәмәлисән. Шејтан вә онун ҹинләри Јеһоваја нифрәт едирләр. Онлар Аллаһа дүшмәндир вә истәјирләр ки, сән дә Аллаһа дүшмән оласан. Сән кимин үрәјини севиндирмәк истәјирсән: Јеһованын, јохса Шејтанын? Әҝәр әбәди јашамаг истәјирсәнсә, Аллаһын ирадәсини јеринә јетирмәлисән. Шејтан мин ҹүрә һијлә вә кәләк ишләтмәклә инди дә инсанларын әксәријјәтини алдадыр (Вәһј 12:9).