ДӘРС 15
Аллаһын достлары јахшы ишләр ҝөрүрләр
Үрәкдән севдијин вә һөрмәт етдијин достун варса, она бәнзәмәјә чалышырсан. Мүгәддәс Китабда дејилир ки, «Јеһова кәрамәтлидир, һагдыр» (Зәбур 25:8). Аллаһла дост олмаг үчүн биз дә хејирхаһ вә һагсевәр олмалыјыг. Мүгәддәс Китабда дејилир: «Аллаһын севимли өвладлары кими Она бәнзәмәјә чалышын, мәһәббәт јолунда јеријин» (Ефеслиләрә 5:1, 2). Буну неҹә етмәк олар?
Башгаларына көмәк етмәјә һазыр ол. «Һамыја... јахшылыг едәк» (Галатијалылара 6:10).
Зәһмәткеш ол. «Оғурлуг едән даһа оғурлуг етмәсин, әлинин һалал зәһмәти илә долансын» (Ефеслиләрә 4:28).
Физики вә әхлаги ҹәһәтдән тәмиз гал. «Ҹисми вә руһу мурдарлајан һәр шејдән өзүмүзү тәмизләјәк вә Аллаһ горхусу илә там мүгәддәслијә јетишәк» (2 Коринфлиләрә 7:1).
Башгаларына мәһәббәт ҝөстәр. «Бир-биримизи севәк, чүнки мәһәббәт Аллаһдандыр» (1 Јәһја 4:7).
Јашадығын өлкәнин ганунларына риајәт ет. «Гој һәр кәс һөкумәтә табе олсун... һәр кәсә һаггыны верин: верҝидирсә — верҝини» (Ромалылара 13:1, 7).