СИЗ сәһнәдә чыхыш едән натигә бахыб ҝүлүмсәјирсиниз. О, сизин јығынҹагдан олан ҝәнҹ гардашдыр вә илк дәфәдир ки, бөјүк топлантыда чыхыш едир. Гардаш чыхыш едәркән Аллаһын халгынын алдығы тәлим сизи һејран гојур. Сиз бу ҝәнҹ гардашын илк дәфә сәһнәјә чыхдығыны хатырлајырсыныз вә баша дүшүрсүнүз ки, һәмин вахтдан бәри о, чох шејә наил олуб. Өнҹүл Мәктәбиндә тәлим алдыгдан сонра о, руһани ҹәһәтдән хејли инкишаф едиб. Бу јахынларда исә о, һәјат јолдашы илә бирҝә Падшаһлығын Мүждәчиләри үчүн Мәктәби кечиб. Гардашын ҝөзәл чыхышыны алгышлајаркән дөнүб әтрафыныза бахыр вә Аллаһын халгынын неҹә дә мөһтәшәм тәлим алдығы барәдә дүшүнүрсүнүз.

Мүгәддәс Китабда пејғәмбәрлик олунмушду ки, Аллаһын халгынын «Јеһовадан елм [алаҹағы]» бир дөвр ҝәләҹәк (Әшј. 54:13). Биз һал-һазырда һәмин дөврдә јашајарыг. Биз тәкҹә нәшрләр васитәсилә дејил, һәм дә јығынҹаг ҝөрүшләри вә конгресләр, о ҹүмләдән Јеһованын тәшкилатында хүсуси тәјинатлары јеринә јетирмәјә көмәк едән мүхтәлиф мәктәбләр васитәсилә тәлим алырыг. Бу бөлмәдә биз алдығымыз тәлимләрин Аллаһын Падшаһлығынын бу ҝүн идарә етдијинә ҝүҹлү сүбут олдуғуну нәзәрдән кечирәҹәјик.