ШАҜИРД ҺАЗЫРЛАМАГ
ДӘРС 10
Мәсулијјәт
Принсип: «Сизи севдијимиз үчүн сизә нәинки Аллаһын мүждәсини чатдырмаға, һәтта өз ҹанымызы да вермәјә һазыр олмушуг, ахы сиз бизә чох әзиз идиниз» (1 Салон. 2:8).
Иса Мәсиһин гојдуғу нүмунә
1. ВИДЕОЈА бах вә ја Јәһја 3:1, 2 ајәләрини оху. Сонра исә нөвбәти суаллар үзәриндә дүшүн:
-
а) Нәјә ҝөрә Никодем Исанын јанына ҝеҹә вахты ҝәлмишди? (Јәһја 12:42, 43 ајәләринә бах.)
-
б) Исанын шаҝирд һазырламаг ишинә мәсулијјәтлә јанашдығы нәдән ҝөрүнүр?
Иса Мәсиһдән нә өјрәнирик?
2. Инсанлары севдијимиз үчүн онлара Мәсиһин шаҝирди олмаға көмәк едирик вә бу ишә мәсулијјәтлә јанашырыг.
Иса Мәсиһ кими давран
3. Шаҝирдә она ујғун олан вахтда вә јердә дәрс кеч. Ола билсин, онун үчүн һәфтәнин мүәјјән бир ҝүнү вә ја сааты ујғундур. Она һарада дәрс кечмәк раһатдыр: иш јериндә, евиндә, јохса башга бир јердә? Мүмкүн гәдәр өз графикиндә ону да нәзәрә ал.
4. Мүнтәзәм дәрс кеч. Тәјин етдијиниз ҝүндә дәрс кечә билмәјәҹәксәнсә, ашағыдакы суалларын үзәриндә дүшүн:
5. Никбин галмаг үчүн дуа ет. Ола билсин, шаҝирдиндә мүнтәзәм олараг дәрс кечмәк, јахуд өјрәндикләринә гыса вахтда әмәл етмәк алынмыр. Ондан үмидини үзмәмәк үчүн Јеһовадан дуада көмәк истә (Филип. 2:13). Сөзсүз ки, шаҝирдинин јахшы хүсусијјәтләри вар; диггәтини онлара ҹәмләмәк үчүн дә дуа ет.
