СӨҺБӘТӘ БАШЛАМАГ
ДӘРС 2
Тәбиилик
Принсип: «Јериндә дејилән сөз нә ҝөзәлдир!» (Мәс. 15:23).
Мүждәчи Филипин гојдуғу нүмунә
1. ВИДЕОЈА бах вә ја Һәвариләрин ишләри 8:30, 31 ајәләрини оху. Сонра исә нөвбәти суаллар үзәриндә дүшүн:
Мүждәчи Филипдән нә өјрәнирик?
2. Сөһбәти өз ахарында, тәбии шәкилдә апарсаг, тәблиғ етдијимиз инсан сыхылмајаҹаг вә чатдырдығымыз хәбәри динләмәјә мејилли олаҹаг.
Мүждәчи Филип кими давран
3. Мүшаһидә ет. Инсанын үз ифадәсиндән, отурушундан-дурушундан, жестләриндән онун һагда чох шеј өјрәнә биләрик. Һәмчинин фикир вер ки, инсан данышмаға һәвәслидир, ја јох? Садә бир суалла, мәсәлән, «Һеч ешитмисиниз,..?» демәклә сөһбәти Мүгәддәс Китаба јөнәлдә биләрсән. Инсан сөһбәт етмәк истәмирсә, мәҹбур етмә.
4. Сәбирли ол. Сөһбәтә бирбаша Мүгәддәс Китабдан башламаг шәрт дејил. Сөһбәтин ахарыны сәбирлә излә вә фүрсәт дүшәндә һәгигәти бөлүш. Бәзән ола биләр ки, мүждәни ҝәлән дәфә бөлүшмәли оласан.
5. Ҝөзләнилмәз вәзијјәтләрә һазыр ол. Ола билсин, сөһбәтин ахары ҝөзләмәдијимиз истигамәтә јөнәлсин. Белә вәзијјәтдә фикриндә тутдуғун мөвзудан јох, инсаны марагландыран мөвзудан данышмаға һазыр ол.
