Дәрсдән әввәл

1. 1. Јахшы-јахшы һазырлаш. Бу заман шаҝирдин вәзијјәти, инанҹлары вә руһән инкишаф етмәси үчүн нәјә еһтијаҹ дујдуғу барәдә дүшүн. Онун баша дүшмәкдә вә ја әмәл етмәкдә чәтинлик чәкәҹәји мәгамлары тәхмин етмәјә чалыш. «Әлавә мәлумат» јарымбашлығындакы һансы материалын шаҝирдә көмәји дәјәҹәјини мүәјјән ет вә еһтијаҹ јаранарса, дәрс заманы ондан истифадә ет.

Дәрс вахты

1. 2. Шаҝирдин разыдырса, дәрсдән әввәл вә сонра дуа ет

2. 3. Чалыш, чох данышмајасан. Диггәтини дәрс материалына ҹәмлә вә шаҝирдинә фикрини бөлүшмәјә шәраит јарат.

3. 4. Јени бөлмәјә башлајанда һәмин бөлмәнин мәзмунуну вә бир нечә дәрсин адыны нәзәрдән кечирин.

4. 5. Бөлмәни битирәндә «Тәкрар» һиссәсиндәки суалларын васитәсилә шаҝирдә өјрәндикләрини јадда сахламаға көмәк ет.

5.  6. Шаҝирдлә дәрс кечәркән нөвбәти мәгамлара диггәт јетир:

   1. а) Биринҹи һиссәдәки абзаслар охунсун.

   2. б) «Оху» ајәләринин һамысы охунсун.

   3. в) Еһтијаҹ варса, ситат ҝәтирилән ајәләр охунсун.

   4. г) Дәрсдәки бүтүн видеолара бахын (әҝәр мүмкүндүрсә).

   5. ғ) Шаҝирд бүтүн суаллары ҹавабландырсын.

   6. д) «Дәринлијә варын» һиссәсиндәки шәкли мүзакирә един. Шаҝирд шәклә шәрһ версин.

   7. е) «Мәгсәд» јарымбашлығындан истифадә едәрәк шаҝирдә руһани тәрәггисини изләмәјә көмәк ет. Шаҝирди орада тәклиф олунан мәгсәдә, һәмчинин диҝәр мәгсәдләрә наил олмаға тәшвиг едә биләрсән.

   8. ә) Вурғула ки, дәрсә һазырлашаркән «Әлавә мәлумат» јарымбашлығындакы истәдији мәгаләјә вә ја видеоја нәзәр салса, јахшы олар.

   9. ж) Чалыш, дәрси бирдәфәјә кечәсән.

Дәрсдән сонра

1. 7. Дәрсдән сонра да шаҝирдин һагда дүшүн. Јеһоваја дуа ет ки, шаҝирдин руһани ҹәһәтдән атдығы аддымлары аванд етсин, еләҹә дә она көмәк едә билмәјин үчүн сәнә һикмәт версин.