Јеһова Адәмлә Һәвваны Ҹәннәтдә әбәди јашамаг үмиди илә јарадыр. Шејтан Аллаһын адына бөһтан атыр вә Онун һөкмранлыг етмәк һүгугуну суал алтына алыр. Адәмлә Һәвва Шејтанын үсјанына гошулараг, һәм өзләри, һәм дә ҝәләҹәк нәсилләри үчүн ҝүнаһы вә өлүмү газаныр

Јеһова үсјанкарлара һөкм чыхарыр, ҝүнаһын вә үсјанын бүтүн нәтиҹәләрини арадан галдырараг Шејтаны мәһв едәҹәк, Хиласкарын вә ја Өвладын ҝәләҹәјини вәд едир

Јеһова Ибраһимә вә Давуда Падшаһ кими әбәди идарә едәҹәк Өвладын, јахуд Мәсиһин улу бабалары олаҹагларыны вәд едир

Јеһова пејғәмбәрләри илһамландырыр ки, Мәсиһин ҝүнаһы вә өлүмү арадан галдыраҹағыны пејғәмбәрлик етсинләр. Һакимијјәт шәрикләри илә бирҝә о, Аллаһын Падшаһлығынын Падшаһы кими идарә едәҹәк вә мүһарибәләрә, хәстәликләрә, һәтта өлүмә сон гојаҹаг

Јеһова Өз Оғлуну јер үзүнә ҝөндәрир вә Исанын Мәсиһ олдуғуну тәсдиг едир. Иса Аллаһын Падшаһлығы һагда тәблиғ едир вә һәјатыны гурбан верир. Сонра Јеһова ону руһани шәхсијјәт кими дирилдир

Јеһова ҝөјдә Өз Оғлуну Падшаһ кими тахта чыхарыр. Һәмин һадисә бу системин сон ҝүнләринин башландығына ишарә едир. Иса јер үзүндәки давамчыларынын бүтүн јер күрәсиндә Аллаһын Падшаһлығыны тәблиғ етмәсинә рәһбәрлик едир

Јеһова Оғлуна Падшаһлыг васитәсилә јер үзүнү идарә етмәји тапшырыр. Падшаһлыг Аллаһа гаршы чыхан бүтүн һөкумәтләри дармадағын едир, Ҹәннәти бәрпа едир вә садиг инсанлары камиллијә говушдурур. Јеһованын һөкмранлыг етмәк һүгугуна бәраәт газандырылыр вә Онун ады әбәдилик тәгдис олунур