1999-ҹу ил јанварын 19-у евимдән үч километр аралыда мүсәлманларла христианлар арасындакы артан дүшмәнчилик даваја чеврилди. Аләм бир-биринә дәјмишди *.

Аиләмин тәһлүкәсизликдә олдуғуна архајын олан кими иман баҹы-гардашларыма зәнҝ едиб онларла марагландым. Онлара тәлаша гапылмамағы вә тәһлүкәли әразидән узаг дурмағы тапшырдым. Бир мүддәт сонра ағсаггаллар јығынҹаға баш чәкиб һәмиманлылары руһландырдылар вә онлары груп-груп јығышыб ибадәт етмәјә тәшвиг етдиләр.

Филиал тапшырды ки, тәһлүкәли әразидә јашајан тәблиғчиләр евакуасија олунсун, биз дә бу ҝөстәриши орада јашајан аиләләрә чатдырдыг. Бир гардаш исә евини гојуб ҝетмәк истәмирди. О, чох кечмәмиш силаһлы дәстә тәрәфиндә гәтлә јетирилди. Анҹаг филиалын ҝөстәришинә әмәл едәнләрин һамысы сағ галды.