ЗӘЛЗӘЛӘЛӘР, сунамиләр вә вулкан пүскүрмәләри Индонезијада һәјаты тез-тез ифлиҹ едир. Тәбии фәлакәт заманы Јеһова Аллаһын халгы зәрәрчәкәнләрә, хүсусилә дә диндашларына дәрһал өз көмәк әлләрини узадырлар. Мәсәлән, 2005-ҹи илдә олан ҝүҹлү зәлзәлә Шимали Суматрада Ниас адасынын ән бөјүк шәһәрини, Гунунгситолини јерлә бир етди. Гоншу Суматра адасынын јығынҹаглары вә филиал дәрһал зәрәрчәкмиш әразијә һуманитар јардым ҝөндәрди. Баҹы-гардашларымызы руһландырмаг, онлара тәсәлли вермәк үчүн филиал нүмајәндәси вә рајон нәзарәтчиси дәрһал тәјјарәјә миниб адаја ҝәлди. Ниас адасында ағсаггал кими хидмәт едән Јуниман Һарифа адлы гардаш дејир: «Әтрафымыздакы инсанлар ваһимә ичиндә идиләр. Амма Јеһованын тәшкилатынын дәрһал һәрәкәтә кечмәси бизи бир даһа әмин етди ки, биз тәк дејилик».