ЈЕҺОВАНЫН ШАҺИДЛӘРИНИН бүтүн етигадларыны бу брошүрдә изаһ етмәји гаршымыза мәгсәд гојмамышдыг. Биз бурада онларын риајәт етдикләри бәзи принсипләри изаһ етмәјә вә Јеһованын Шаһиди олан валидејнләрин тәлим вердијиниз ушаглара неҹә тәсир ҝөстәрдикләрини ачыгҹа ҝөстәрмәјә чалышдыг.

Јеһованын Шаһидләри ушагларынын руһани тәрбијәсинә хүсуси диггәт јетирирләр. Онлар әминдирләр ки, бу ҹүр тәрбијә ушағын инкишафынын мүхтәлиф саһәләринә мүсбәт тәсир ҝөстәрәҹәк. Јеһованын Шаһидләринин етигадлары вә риајәт етдикләри принсипләр, онларын һәјатыны мәналы едир вә ҝүндәлик һәјатын гајғыларынын өһдәсиндән ҝәлмәкдә онлара көмәк едир. Бундан әлавә, бу етигад вә принсипләр ушагда дәрсә гаршы марағын вә виҹданлы бир шәхсијјәт кими бөјүмәк арзусунун артмасына көмәк едир.

Јеһованын Шаһидләри һәјата реал бахдыглары үчүн тәһсилә бөјүк әһәмијјәт верирләр. Буна ҝөрә дә онлар сизинлә мүмкүн гәдәр јахшы әмәкдашлыг етмәк истәјирләр. Онлар һәр јердә — евләриндә вә дүнјанын һәр јериндә кечирилән ибадәт ҝөрүшләриндә бундан сонра да ушагларыны бу фајдалы әмәкдашлыгда әлләриндән ҝәләни етмәјә тәшвиг едәҹәкләр.