1—3. а) Чох инсан ишинә неҹә јанашыр? б) Бу фәсилдә һансы суаллар мүзакирә олунур?

БҮТҮН дүнјада инсанлар өзләрини вә аиләләрини доландырмаг үчүн ағыр зәһмәт чәкир. Чохлары ишини севмир. Һәтта һәр ҝүн ишә ҝетмәк онлар үчүн ишҝәнҹәдир. Ола билсин, сән дә ишинә белә јанашырсан. Бәс ишинә јахшы јанашмаға, ондан мүәјјән гәдәр зөвг алмаға нә көмәк едә биләр?

² Јеһова дејир: «Һәр кәс јејиб-ичмәли вә зәһмәтиндән һәзз алмалыдыр. Бу, Аллаһын бәхшишидир» (Ваиз 3:13). Јеһова бизи елә јарадыб ки, биз ишләмәлијик, бундан башга, О, үрәјимизә ишләмәк истәји дә гојуб. О истәјир ки, биз ҝөрдүјүмүз ишдән һәзз алаг. (Ваиз 2:24; 5:18 ајәләрини оху.)

³ Бәс ишимиздән зөвг алмаға бизә нә көмәк едәр? Мәсиһиләр һансы ишләрдә ишләмәмәлидирләр? Ишлә ибадәт арасында таразлығы неҹә горуја биләрик? Бизим ән мүһүм ишимиз нәдир?

4, 5. Јеһованын ишә мүнасибәти неҹәдир?

⁴ Јеһова ишләмәји севир. Јарадылыш 1:1 ајәсиндә  дејилир: «Башланғыҹда Аллаһ ҝөјү вә јери јаратды». Аллаһ јери вә ондакы һәр шеји һазырлајандан сонра јаратдыгларынын «чох јахшы» олдуғуну деди (Јарадылыш 1:31). Јараданымыз әл ишиндән мәмнун галды (1 Тимутијә 1:11).

⁵ Јеһова һеч вахт әлини ишдән сојутмајыб. Иса демишди: «Мәним Атам индијәдәк ишләјир» (Јәһја 5:17). Јеһованын ҝөрдүјү мөһтәшәм ишләрин һамысындан хәбәримиз олмаса да, бәзиләри барәдә билирик. Јеһова Оғлу Иса Мәсиһлә Падшаһлыгда идарә едәҹәк кәсләри сечир (2 Коринфлиләрә 5:17). Јеһова һәм дә инсанлара јол ҝөстәрир, онларын гејдинә галыр. Бүтүн дүнјада ҝедән тәблиғ ишинин сајәсиндә милјонларла инсан Јеһованы таныјыр вә ҹәннәтдә әбәди јашамаг үмидинә саһиб олур (Јәһја 6:44; Ромалылара 6:23).

6, 7. Иса Мәсиһ неҹә ишчи иди?

⁶ Иса да Атасы кими, ишләмәји севир. Јер үзүнә ҝәлмәздән әввәл о, Аллаһын јанында уста кими чалышыр, ҝөјдә вә јердә олан һәр шејин јарадылмасында иштирак едирди (Мәсәлләр 8:22—31; Колослулара 1:15—17). Јердә јашајанда да Иса зәһмәткеш иди. О, јенијетмәлијиндән дүлҝәр ишинә мәһарәтлә јијәләнмишди. Еһтимал ки, о, ев әшјалары дүзәлдир, һәм дә ев тикирди. Иса өз ишиндә елә пешәкар иди ки, ел ичиндә «дүлҝәр» кими танынырды (Марк 6:3).

⁷ Лакин јердә оланда Иса үчүн ән ваҹиб иш мүждәни тәблиғ етмәк вә инсанлара Јеһова һаггында өјрәтмәк иди. О, үч ил јарыма хидмәтини баша чатдырмалы иди, буна ҝөрә дә сәһәр сүбһдән ҝеҹә јарысына  кими хидмәт едирди (Лука 21:37, 38; Јәһја 3:2). Иса тозлу јолларла јүз километрләрлә јол гәт едир, мүмкүн гәдәр чох инсана мүждәни чатдырырды (Лука 8:1).

8, 9. Иса нәјә ҝөрә ишиндән зөвг алырды?

⁸ Аллаһын ишини ҝөрмәк Иса үчүн, санки гида иди. Бу иш она ҝүҹ-гүввәт верирди. Бәзән елә ҝүнләр олурду ки, онун јемәк јемәјә дә вахты галмырды (Јәһја 4:31—38). Иса һәр фүрсәтдән истифадә едиб, инсанлара Атасы һагда өјрәдирди. Буна ҝөрә дә алныачыглыгла Јеһоваја демишди: «Мәнә тапшырдығын иши баша чатдырдым, Сәни јердә шәрәфләндирдим» (Јәһја 17:4).

⁹ Ајдындыр ки, һәм Јеһова, һәм дә Иса зәһмәткешдирләр вә ишләриндән севинҹ, мәмнунлуг дујурлар. Биз Аллаһа бәнзәмәк, Исанын изи илә ҝетмәк истәјирик (Ефеслиләрә 5:1; 1 Бутрус 2:21). Буна ҝөрә дә биз дә зәһмәткеш олмаға вә һәр иши әлимиздән ҝәлдији гәдәр јахшы етмәјә чалышырыг.

10, 11. Ишә мүсбәт јанашмаға нә көмәк едә биләр?

¹⁰ Биз Јеһованын халгыјыг, буна ҝөрә дә өзүмүзү вә аиләмизи доландырмаг үчүн ишләјирик. Биз ишимизә јахшы јанашмалыјыг, анҹаг бәзән бу, чәтин олур. Ишимиздән хошумуз ҝәлмирсә, онда нә едә биләрик?

¹¹ Ишә мүсбәт јанаш. Ола билсин, һарада вә нә гәдәр ишләјәҹәјимизи сечмәк бизим әлимиздә дејил. Амма биз өз әһвали-руһијјәмизи дәјишә биләрик. Јеһованын нөгтеји-нәзәрини билмәк бизә көмәк  едә биләр. Мәсәлән, Јеһова истәјир ки, аилә башчысы әлиндән ҝәлдији гәдәр аиләсини тәмин етсин. Әслиндә, Мүгәддәс Китабда дејилир ки, аиләсинин гејдинә галмајан «имансыздан да бетәрдир» (1 Тимутијә 5:8). Әҝәр сән аилә башчысысанса, аиләни доландырмаг үчүн зәһмәт чәкирсән. Ишин хошуна ҝәлсә дә, ҝәлмәсә дә, билирсән ки, аиләни доландырмагла сән һәм дә Јеһованы разы салырсан.

12. Әмәксевәр вә дүрүст олмағын һансы фајдасы вар?

¹² Әмәксевәр вә дүрүст ол. Бу сәнә ишиндән зөвг алмаға көмәк едәҹәк (Мәсәлләр 12:24; 22:29). Белә олсан, мүдирин сәнә етибар едәҹәк. Адәтән, мүдирләр дүрүст ишчиләри гијмәтләндирирләр, чүнки белә ишчиләр иш вахтындан, пул вә ја диҝәр шејләрдән оғурламырлар (Ефеслиләрә 4:28). Ән әсасы, сәнин әмәксевәр вә дүрүст олмағын Јеһованын нәзәриндән гачмыр. Севдијин Аллаһы разы салдығыны билдијин үчүн виҹданын тәмиз олаҹаг (Ибраниләрә 13:18; Колослулара 3:22—24).

13. Дүрүст ишләмәјин һансы мүкафаты ола биләр?

¹³ Ишдәки давранышын Јеһоваја шәрәф ҝәтирә биләр. Бу, ишә јахшы јанашмаг үчүн диҝәр бир сәбәбдир (Титуса 2:9, 10). Һәтта ола биләр, иш јолдашларындан кимсә сәнин јахшы давранышыны ҝөрүб Мүгәддәс Китабы өјрәнмәк истәсин. (Мәсәлләр 27:11; 1 Бутрус 2:12 ајәләрини оху.)

14—16. Иш сечәркән нәләри нәзәрә алмалыјыг?

¹⁴ Мүгәддәс Китабда мәсиһиләрин ишләјә биләҹәји  вә билмәјәҹәји ишләрин сијаһысы јазылмајыб. Лакин орада ишлә бағлы дүзҝүн гәрар вермәјә көмәк едән принсипләр јазылыб (Мәсәлләр 2:6). Бу принсипләри нәзәрә алараг өзүмүзә нөвбәти суаллары верә биләрик.

¹⁵ Мәндән Јеһованын ҝөзүндә ҝүнаһ олан иши ҝөрмәк тәләб олунаҹаг? Биз Јеһованын һансы әмәлләрә нифрәт етдијини өјрәндик. Мәсәлән, онлардан оғурлуг вә јаланын адыны чәкмәк олар (Чыхыш 20:4; Һәвариләрин ишләри 15:29; Ефеслиләрә 4:28;  Вәһј 21:8). Буна ҝөрә дә биз Јеһованын ганунларына зидд ҝедән һәр бир ишдән узаг дурмалыјыг. (1 Јәһја 5:3 ајәсини оху.)

¹⁶ Бу иш Јеһованын иттиһам етдији әмәлләри дәстәкләјир? Тутаг ки, сәнә ганкөчүрмә мәркәзиндә гәбул шөбәсиндә иш тәклиф олунур. Дүздүр, гәбул шөбәсиндә ишләмәкдә пис һеч нә јохдур. Амма сән билирсән ки, Јеһова ганкөчүрмәјә неҹә јанашыр. Буна ҝөрә дә ганын алыныб көчүрүлмәсиндә шәхсән иштирак етмәсән дә, сәнҹә, Јеһованын ҝөзүндә ҝүнаһ ишә шәрик олмајаҹагсан? (Чыхыш 21:22—24).

17. Аллаһа хош ҝедән гәрарлар вермәјә нә көмәк едә биләр?

¹⁷ Биз илаһи принсипләрә ујғун даврансаг, Ибраниләрә 5:14 ајәсиндә тәсвир олундуғу кими, ағлымызы даима ишләтмәклә ону јахшыны писдән ајырмаға өјрәшдирәҹәјик. Өзүндән соруш: «Бу ишә дүзәлсәм, башгаларынын иманына пис тәсир етмәрәм? Бу ишә ҝөрә һәјат јолдашымы вә ушагларымы гојуб, башга әразијә көчмәли олмајаҹағам? Көчмәјим аиләмә неҹә тәсир едәҹәк?»

18. Нәјә ҝөрә ибадәти һәр шејдән үстүн тутмаг чәтин ола биләр?

¹⁸ «Сон дәрәҹә чәтин» вахт олан индики зәманәдә ибадәти һәр шејдән үстүн тутмаг асан дејил (2 Тимутијә 3:1). Иш тапмаг вә иши итирмәмәк чох чәтиндир. Биз аиләмизи доландырмалыјыг. Амма билирик ки, ибадәтимиз һәр шејдән үстүндүр. Биз маддијјатын һәјатымызда мүһүм јери тутмасына јол верә билмәрик (1 Тимутијә 6:9, 10). Бәс онда неҹә едә биләрик  ки, һәм даһа ваҹиб шејләри ајырд етмәји баҹараг, һәм дә аиләмизи доландыраг? (Филиппилиләрә 1:10).

19. Јеһоваја етибар етмәк ишимизә таразлы јанашмаға неҹә көмәк едир?

¹⁹ Јеһоваја там етибар ет. (Мәсәлләр 3:5, 6 ајәләрини оху.) Биз билирик ки, Аллаһ нәјә еһтијаҹ дујдуғумузу јахшы билир вә бизим һәртәрәфли гејдимизә галыр (Зәбур 37:25; 1 Бутрус 5:7). Онун Кәламында дејилир: «Һәјатынызда пулпәрәстлијә јер вермәјин, нәјиниз варса, она гане олун, чүнки Аллаһ дејиб: “Сәни һеч вахт атмарам, һеч вахт тәрк етмәрәм”» (Ибраниләрә 13:5). Јеһова истәмир ки, аиләмизин доланышығына ҝөрә елә һеј фикир чәкәк. О дөнә-дөнә сүбут едиб ки, халгынын еһтијаҹларыны өдәмәјә гадирдир (Мәтта 6:25—32). Ишимиздән асылы олмајараг, биз Аллаһын Кәламыны мүнтәзәм мүталиә етмәли, мүждәни тәблиғ етмәли вә ибадәт ҝөрүшләринә ҝетмәлијик (Мәтта 24:14; Ибраниләрә 10:24, 25).

20. Һәјатымызы неҹә садә сахлаја биләрик?

²⁰ Ҝөзүнү тох сахла. (Мәтта 6:22, 23 ајәләрини оху.) Башга сөзлә, садә һәјат сүр ки, диггәтини ибадәтә ҹәмләјә биләсән. Биз билирик ки, пулу, ҝөзәл һәјат тәрзини, јахуд сон технолоҝијаны Аллаһла достлугдан үстүн тутмаг ағылсызлыг оларды. Бәс онда ваҹиб шејләри үстүн тутмаға бизә нә көмәк едә биләр? Биз баҹардығымыз гәдәр чалышмалыјыг ки, борҹа ҝирмәјәк. Әҝәр борҹумуз варса, борҹу азалтмаг вә ја вериб гуртармаг үчүн практики аддымлар атмалыјыг. Еһтијатлы олмасаг, маддијјат вахтымызын вә ҝүҹүмүзүн чохуну алар, дуа етмәјә,  охумаға вә тәблиғ етмәјә вахтымыз галмаз. Биз јол вермәмәлијик ки, маддијјат һәјатымызы ағырлашдырсын. Јемәк вә палтар кими зәрури шејләрә гане олмағы өјрәнмәлијик (1 Тимутијә 6:8). Һәр бир һалда, јахшы оларды ки, вахташыры вәзијјәтимизи тәһлил едәк, ҝөрәк нә едә биләрик ки, Јеһоваја даһа чох хидмәт едәк.

21. Бизим үчүн нәјин ваҹиб олдуғуну нәјә ҝөрә мүәјјән етмәлијик?

²¹ Ваҹиб шејләрә үстүнлүк вер. Биз вахтымыздан,  ҝүҹүмүздән вә мадди вәсаитләримиздән ағылла истифадә етмәлијик. Еһтијатлы олмасаг, ваҹиб олмајан шејләр, мәсәлән, тәһсил, пул дәјәрли вахтымызы оғурлајаҹаг. Иса демишди: «Падшаһлығы һәр шејдән үстүн тутун» (Мәтта 6:33). Етдијимиз сечимләр, вәрдишләримиз, ҝүндәлик ишләримиз вә мәгсәдләримиз нәләрин үрәјимиздә ән ваҹиб јери тутдуғуну үзә чыхарыр.

22, 23. а) Мәсиһиләрин ән мүһүм иши нәдир? б) Ишимиздән зөвг алмаға нә көмәк едә биләр?

²² Бизим ән мүһүм ишимиз Јеһоваја хидмәт етмәк вә мүждәни тәблиғ етмәкдир (Мәтта 24:14; 28:19, 20). Биз дә Иса кими, бу ишдә әлимиздән ҝәләни етмәк истәјирик. Бәзи мәсиһиләр тәблиғчиләрә тәләбат олан әразиләрә көчүрләр. Диҝәрләри хариҹи дил өјрәнирләр ки, һәмин дилдә тәблиғ етсинләр. Һәмин мәсиһиләрлә сөһбәт ет, онлара хидмәтләри барәдә суаллар вер. Онлар сәнә һәјатларынын даһа хошбәхт вә мәналы олдуғуну дејәҹәкләр. (Мәсәлләр 10:22 ајәсини оху.)

²³ Бу ҝүн чохларымыз аиләмизин ән зәрури тәләбатларыны өдәмәк үчүн чох, һәтта бир нечә ишдә ишләмәли олуруг. Јеһова бундан аҝаһдыр. О, аиләмизи доландырмаг үчүн етдијимиз һәр шеји гијмәтләндирир. Ҝәл бундан сонра да Јеһовадан вә Иса Мәсиһдән өрнәк ҝөтүрәрәк, нә ишдә ишләјириксә ишләјәк, әмәксевәр олаг. Һеч вахт унутмајаг ки, бизим ән мүһүм ишимиз Јеһоваја хидмәт етмәк вә Аллаһын Падшаһлығы һаггында мүждәни тәблиғ етмәкдир. Бу бизә әсл хошбәхтлији бәхш едәҹәк.