ДӘРС 06
Һәјат неҹә јараныб?
«Һәјат мәнбәји» Аллаһдыр (Зәбур 36:9). Буна инанырсыныз? Бәзи инсанлар дүшүнүр ки, һәјат кор тәсадүф нәтиҹәсиндә јараныб. Әҝәр бу, доғрудан да, беләдирсә, демәли, инсан да тәсадүфүн нәтиҹәсидир. Јох әҝәр һәјаты Јеһова Аллаһ јарадыбса, онда бунун бир мәгсәди олмалыдыр a. Ҝөрүн Мүгәддәс Китабда һәјатын әмәлә ҝәлмәси барәдә нә јазылыб вә нәјә ҝөрә буна инанмаг мәнтиглидир.
1. Каинат неҹә јараныб?
Мүгәддәс Китабда дејилир: «Башланғыҹда Аллаһ ҝөјү вә јери јаратды» (Јарадылыш 1:1). Әксәр алимләр разылашыр ки, Каинатын башланғыҹы олуб. Аллаһ ону неҹә јарадыб? О, галактикалар, улдузлар, планетләр дә дахил олмагла, Каинатда олан һәр шеји Өз мүгәддәс руһу, јәни гүввәси илә јарадыб (Јарадылыш 1:2).
2. Аллаһ Јер күрәсини нәјә ҝөрә јарадыб?
Јеһова Јери «бош јерә дејил, јашајыш үчүн» јарадыб (Әшија 45:18). О, Јер күрәсиндә һәјат үчүн әлверишли шәраит јарадыб вә планетимизи инсанларын әбәди јашамасы үчүн зәрури олан һәр шејлә тәмин едиб. (Әшија 40:28; 42:5 ајәләрини охујун.) Елм сүбут едир ки, Јер күрәси хүсусидир, диҝәр планетләрдән фәргләнир. Инсанын јашамасы үчүн зәрури олан шәраит јалныз бурада мөвҹуддур.
3. Инсанлары һејванлардан фәргләндирән нәдир?
Јеһова Јер күрәсини һазыр едәндән сонра орада ҹанлы аләми јаратды. Әввәлҹә, О, јер үзүндә биткиләри вә һејванлары јаратды. Сонра исә «Өз бәнзәриндә» инсаны хәлг етди. (Јарадылыш 1:27 ајәсини охујун.) Инсанлары һејванлардан фәргләндирән нәдир? Аллаһын бәнзәриндә олан инсанда Аллаһын хүсусијјәтләри, мәсәлән, мәһәббәт вә әдаләт кими хүсусијјәтләр вар. Бунунла јанашы, Аллаһ инсаны елә јарадыб ки, о, јени дил өјрәнә билир, инҹәсәнәтин ҝөзәллијинә валеһ олур, мусигидән һәзз алыр. Ән әсасы исә, һејванлардан фәргли олараг, биз Јараданымыза ибадәт едә билирик.
Д Ә Р И Н Л И Ј Ә В А Р Ы Н
Һәјатын јарадылдығына вә Мүгәддәс Китабда бу барәдә јазыланларын мәнтигли олдуғуна даир дәлилләри арашдырын. Ҝөрүн инсандакы ҝөзәл хүсусијјәтләр бизә Аллаһ һаггында нә өјрәдир.
4. Һәјат јарадылыш мәһсулудур
Инсанлар тәбиәтә бахараг мүхтәлиф шејләр ихтира едирләр вә буна ҝөрә башгаларындан тәриф алырлар. Ҝөрәсән, тәбиәтдәки шејләрә ҝөрә ким алгыша лајигдир? ВИДЕОЈА бахын вә нөвбәти суалы мүзакирә един:
-
Инсанлар тәбиәтә бахыб нәләр дүзәлдирләр?
Һеч бир ев өз-өзүнә јаранмыр. Онун лајиһәсини гуран, тикән олур. Бәс тәбиәтдә ҝөрдүјүмүз шејләри ким дүшүнүб јарадыб? Ибраниләрә 3:4 ајәсини охујун вә нөвбәти суаллары мүзакирә един:
-
Тәбиәтдә ән чох нәләр сизи валеһ едир?
-
Каинатын вә орада олан һәр шејин јарадылдығына инанмаг мәнтиглидир? Нәјә ҝөрә белә дүшүнүрсүнүз?
Билирсиниз?
Бу мөвзу барәдә мәгалә вә видеолары jw.org сајтынын «Тәкамүл, јохса јарадылыш мөҹүзәси?» вә «Һәјатын әмәлә ҝәлмәси» бөлмәләриндән тапа биләрсиниз.
«Бәли, һәр евин бир бәннасы вар, һәр шејин бәннасы исә Аллаһдыр»
5. Мүгәддәс Китабда јарадылыш һагда јазыланлар мәнтиглидир
«Јарадылыш» китабынын 1-ҹи фәслиндә Јер күрәсинин вә орада һәјатын јарадылмасындан бәһс олунур. Бу фәсилдә јазыланлара инанмаг олар, јохса бунлар садәҹә әфсанәдир? ВИДЕОЈА бахын вә нөвбәти суаллары мүзакирә един:
-
Мүгәддәс Китабдакы алты јарадылыш ҝүнүнүн һәр бири 24 саатдан ибарәт иди?
-
Сизҹә, Мүгәддәс Китабда јарадылышла бағлы дејиләнләр мәнтигли вә ағлабатандыр? Нәјә ҝөрә белә дүшүнүрсүнүз?
Јарадылыш 1:1 ајәсини охујун вә нөвбәти суалы мүзакирә един:
-
Алимләр дејир ки, Каинатын башланғыҹы олуб. Онларын ҝәлдији гәнаәт Мүгәддәс Китабдан охудуғунуз бу ајә илә неҹә узлашыр?
Бәзи инсанлар дүшүнүр ки, бәлкә дә Аллаһ ҹанлылары тәкамүл јолу илә јарадыб. Јәни онларын фикринҹә, Аллаһ бир садә һүҹејрә јарадыб, сонра исә бу һүҹејрәдән мүхтәлиф ҹанлылар әмәлә ҝәлиб. Јарадылыш 1:21, 25, 27 ајәләрини охујун вә нөвбәти суаллары мүзакирә един:
-
Мүгәддәс Китабда дејилирми ки, Аллаһ балыглары, диҝәр һејванлары вә инсаны тәкамүл јолу илә јарадыб? Јохса О, нөвүнә вә ҹинсинә ҝөрә бүтүн ҹанлылары јарадыб?
6. Инсан јер үзүндә ән али мәхлугдур
Инсаны да, һејванлары да Јеһова јарадыб. Амма инсан һејвандан фәргләнир. Јарадылыш 1:26 ајәсини охујун вә нөвбәти суалы мүзакирә един:
-
Аллаһын бәнзәриндә јарадылмыш инсанда мәһәббәт вә шәфгәт кими хүсусијјәтләрин олмасы бизә Аллаһ барәдә нә дејир?
БӘЗИ ИНСАНЛАР ДЕЈИР: «Мүгәддәс Китабда јарадылышла бағлы дејиләнләр ујдурмадыр».
-
Сиз бу һагда нә дүшүнүрсүнүз? Нәјә ҝөрә белә дүшүнүрсүнүз?
ИҸМАЛ
Јеһова Каинаты вә ҹанлы аләми јарадыб.
Тәкрар
-
Мүгәддәс Китабда Каинатын јарадылмасы илә бағлы нә дејилир?
-
Аллаһ мүхтәлиф ҹанлы варлыгларын әмәлә ҝәлмәси үчүн тәкамүлдән истифадә едиб, јохса онлары нөвүнә вә ҹинсинә ҝөрә јарадыб?
-
Инсаны бүтүн ҹанлылардан фәргләндирән нәдир?
Ә Л А В Ә М Ә Л У М А Т
Јараданын варлығындан хәбәр верән јарадылыш нүмунәләринә нәзәр салын.
Ҝөрүн Мүгәддәс Китабда јарадылышла бағлы јазыланлары ушаға неҹә баша салмаг олар.
Ҝөрүн тәкамүл Мүгәддәс Китабла узлашыр, ја јох.
«Аллаһ мүхтәлиф ҹанлылары јаратмаг үчүн тәкамүлдән истифадә едиб?» (интернет мәгаләси)
Дашлашмыш галыглардан вә елми тәҹрүбәләрдән нә мәлум олур: һәјат јарадылыб, јохса тәсадүф нәтиҹәсиндә әмәлә ҝәлиб?
a 25-ҹи дәрсдә Аллаһын бәшәријјәтлә бағлы нијјәтини арашдыраҹағыг.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
