ДӘРС 11
Мүгәддәс Китабы охумагдан зөвг алын
Ола билсин, нә вахтса бөјүк бир ишә башламаг истәмисиниз, амма үрәк етмәмисиниз, сизә чәтин ҝәлиб. Анҹаг бөјүк иши һиссә-һиссә едәндә иш адама асан ҝәлир. Мүгәддәс Китабы да ејни үсулла охумаг олар. Ола билсин, сиздә суал јараныр: «Нәдән башлајым?» Бу дәрсдә бир нечә садә үсулу нәзәрдән кечирәҹәјик. Бунларын сајәсиндә Мүгәддәс Китабы охумаг вә өјрәнмәк сизә зөвг верәҹәк.
1. Нәјә ҝөрә Мүгәддәс Китабы мүнтәзәм охумаг лазымдыр?
Мүгәддәс Китабы мүнтәзәм охујан, јәни «Јеһованын ганунундан» һәзз алан адам һәм хошбәхт олар, һәм дә һәр ишиндә уғур газанар. (Зәбур 1:1—3 ајәләрини охујун.) Әввәл-әввәл чалышын охумаға һәр ҝүн бир нечә дәгигә вахт ајырасыныз. Аллаһын Кәламы илә таныш олдугҹа охумаға һәвәсиниз дә артаҹаг.
2. Мүталиәнин сәмәрәли олмасы үчүн нә етмәлисиниз?
Мүгәддәс Китабдан фајда әлдә етмәк үчүн мүталиә заманы ајаг сахлајыб охудугларымыз барәдә дүшүнмәлијик. Бу мәсләһәти Мүгәддәс Китаб бизә верир. Орада јазылыб: «Онларын үзәриндә дүшүн» (Јушә 1:8, һашијә). Охујаркән өзүнүзә белә суаллар верин: «Бурадан Јеһова Аллаһ барәдә нә өјрәнирәм? Өјрәндикләримә неҹә әмәл едә биләрәм? Бу ајәләрин васитәсилә башгаларына неҹә көмәк едә биләрәм?»
3. Мүгәддәс Китабы ҝүнүн һансы саатында охумаг олар?
Мүгәддәс Китабы охумаға вахт тапмырсыныз? Чохлары үчүн вахт проблемдир. Чалышын «вахтынызын гәдрини билин» (Ефеслиләрә 5:16). Мәсәлән, конкрет вахт тәјин един ки, Мүгәддәс Китабы һәр ҝүн охуја биләсиниз. Кимләрсә Мүгәддәс Китабы сәһәр тездән охујур. Кимләрәсә ҝүнорта, мәсәлән, наһар фасиләсиндә охумаг әл верир. Бир башгалары исә ахшам, јатмаздан әввәл Мүгәддәс Китабы охујур. Бәс сизин үчүн ҝүнүн һансы сааты әлверишлидир?
Д Ә Р И Н Л И Ј Ә В А Р Ы Н
Ҝөрүн Мүгәддәс Китабы охумағы неҹә мараглы етмәк олар вә Мүгәддәс Китаб дәрсинә неҹә һазырлаша биләрсиниз.
Өјрәшмәдијимиз јемәкләр тәдриҹән хошумуза ҝәлдији кими, Мүгәддәс Китабы охумаға һәвәсимиз дә тәдриҹән јарана биләр
4. Мүгәддәс Китабы охумагдан һәзз алын
Ола билсин, Мүгәддәс Китабы охумаға башламаг асан дејил. Амма өзүмүздә Мүгәддәс Китаба иштаһа ојада биләрик. Бәзән һеч вахт јемәдијимиз јемәјин дадына бахандан сонра ондан хошумуз ҝәлир. Мүгәддәс Китабы охумағы да буна бәнзәтмәк олар. 1 Бутрус 2:2 ајәсини охујун вә нөвбәти суалы мүзакирә един:
-
Сизҹә, Мүгәддәс Китабы һәр ҝүн охусаныз, бу китабы охумаға һәвәсиниз јаранар?
ВИДЕОЈА бахын. Ҝөрүн бәзи инсанларда Мүгәддәс Китабы охумаға неҹә һәвәс јараныб. Сонра нөвбәти суаллары мүзакирә един:
-
Видеодакы ҝәнҹләр һансы чәтинликләри ашыблар?
-
Мүгәддәс Китабы һәр ҝүн охумаға онлара нә көмәк етди?
-
Онлар Мүгәддәс Китабын мүталиәсини мараглы етмәк үчүн нә едирдиләр?
Неҹә башламаг олар?
-
Мүгәддәс Китабын дәгиг, мүасир тәрҹүмәсини сечин. Әҝәр сизин дилдә варса, Мүгәддәс Китабын «Јени Дүнја Тәрҹүмәси» версијасыны охујун.
-
Әввәлҹә, сизә мараглы ҝәлән һиссәләри охујун. «Мүгәддәс Китабы охумаға башлајын» ҹәдвәли сизә идеја верә биләр.
-
Охудуғунуз јерләри ишарәләјин. Бу нәшрдәки «Мүгәддәс Китабын мүталиәси» ҹәдвәлиндән истифадә един.
-
«JW Library®» тәтбигиндән истифадә един. Бу тәтбиги телефона вә ја башга ҹиһаза јүкләјәрәк Мүгәддәс Китабы һәр јердә вә бир чох дилләрдә охуја, јахуд динләјә биләрсиниз.
-
«Јени Дүнја Тәрҹүмәси»ндәки әлавәләрдән истифадә един. Орадакы хәритәләрин, ҹәдвәлләрин вә лүғәтин көмәјилә мүталиәнизи мараглы едә биләрсиниз.
5. Мүгәддәс Китаб дәрсинә һазырлашын
Зәбур 119:34 ајәсини охујун вә нөвбәти суалы мүзакирә един:
-
Нәјә ҝөрә Мүгәддәс Китабы охумаздан вә ја Мүгәддәс Китаб дәрсинә һазырлашмаздан әввәл дуа етмәк јахшы оларды?
Һәр дәрсдән там фајда әлдә етмәк үчүн нә едә биләрсиниз? Бир дәфә дәрсә һазырлашаркән нөвбәти үсуллардан истифадә един:
-
А) «Дәринлијә варын» јарымбашлығына гәдәр олан абзаслары охујун.
-
Б) Ајәләри ачыб охујун, онларын мөвзу илә әлагәсини анламаға чалышын.
-
В) Суаллара ҹаваб верән әсас сөзләри вә ифадәләри хәтләјин; бу сизә дәрси мүәллимлә мүзакирә етмәјә көмәк едәҹәк.
Билирсиниз?
Јеһованын Шаһидләри Мүгәддәс Китабын бир нечә тәрҹүмәсиндән истифадә едир. Амма ән чох «Мүгәддәс Јазыларын Јени Дүнја Тәрҹүмәси» версијасына үстүнлүк верир. Чүнки бу, дәгиг вә ајдын тәрҹүмәдир, һәмчинин бурада Аллаһын ады јазылыб. («Јеһованын Шаһидләринин өз Мүгәддәс Китабы вар?» адлы интернет мәгаләсинә бахын.)
БӘЗИ ИНСАНЛАР ДЕЈИР: «Мүгәддәс Китаб чох гәлиздир. Ону өјрәнмәјә нә вахтым вар, нә дә сәбрим».
-
Сиз бу һагда нә дүшүнүрсүнүз?
ИҸМАЛ
Мүгәддәс Китабдан фајда әлдә етмәк үчүн ону охумаға вахт ајырын, охудуғунузу баша дүшмәк үчүн дуа един вә Мүгәддәс Китаб дәрсләринә һазырлашын.
Тәкрар
-
Мүгәддәс Китабдан неҹә фајда әлдә едә биләрсиниз?
-
Мүгәддәс Китабы охумаға вә өјрәнмәјә ҝүнүн һансы саатында вахт ајыра биләрсиниз?
-
Нәјә ҝөрә Мүгәддәс Китаб дәрсләринә габагҹадан һазырлашмаг јахшы олар?
Ә Л А В Ә М Ә Л У М А Т
Мүгәддәс Китабдан фајда әлдә етмәјин бәзи үсуллары барәдә өјрәнин.
«Мүгәддәс Китабы охумағын һансы фајдасы вар?» («Ҝөзәтчи гүлләси» № 1, 2017)
Мүгәддәс Китабы һансы үч үсулла охуја биләрсиниз?
«Мүгәддәс Китаб мәнә неҹә көмәк едә биләр? I һиссә. Мүгәддәс Китабы арашдыр» (интернет мәгаләси)
Бахын ҝөрүн Мүгәддәс Китабы охумағы неҹә мараглы едә биләрсиниз.
«Мүгәддәс Китаб мәнә неҹә көмәк едә биләр? II һиссә. Мүгәддәс Китаб мүталиәсини мараглы ет» (интернет мәгаләси)
Мүгәддәс Китабы узун мүддәтдир охујан инсанларын вердији мәсләһәтләрлә таныш олун.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
