ДӘРС 13
Јалан динләр Аллаһын адына көлҝә салыр
Аллаһ мәһәббәтдир. Белә исә нәјә ҝөрә динләр Аллаһ јолунда бу гәдәр бәд әмәлләр төрәдир? Гысаҹа десәк, чүнки бу динләр јалан динләрдир. Онлар Аллаһ һаггында јанлыш тәсәввүр јарадыр. Неҹә? Бәс Аллаһ буна неҹә јанашыр? О бунунла бағлы һансыса тәдбир ҝөрәҹәк?
1. Јалан динләр тәлимләри илә Аллаһын адына неҹә көлҝә салыр?
Јалан динләр «Аллаһын һәгигәтини јалана» дәјишир (Ромалылара 1:25). Мәсәлән, динләрин чоху инсанлара Аллаһын адыны өјрәтмир. Һалбуки Мүгәддәс Китабда дејилир ки, инсанлар Аллаһын адыны чәкмәлидир (Ромалылара 10:13, 14). Дәһшәтли бир һадисә баш верәндә бәзи дин хадимләри буну Аллаһын һөкмү кими гәләмә верир. Амма бу, јаландыр. Аллаһ һеч вахт пислијин сәбәбкары ола билмәз. (Јагуб 1:13 ајәсини охујун.) Тәәссүф ки, динләрин сөјләдији јаланлар инсанлары Аллаһдан узаглашдырыр.
2. Јалан динләр әмәлләри илә Аллаһын адына неҹә көлҝә салыр?
Јалан динләр инсанларла Јеһова кими рәфтар етмир. Мүгәддәс Китабда дејилир ки, онларын «ҝүнаһлары галагланыб ҝөјә чатыб» (Вәһј 18:5). Әсрләрдир ки, јалан динләр сијасәтә гарышыр, мүһарибәләри дәстәкләјир, сајсыз-һесабсыз инсанын өлүмүнә баис олур вә ја гол гојур. Бәзи дин хадимләри тәмтәраглы һәјат сүрүр, бунун пулуну исә өз динләринин үзвләриндән чыхарыр. Бу давранышлары сүбут едир ки, онлар Аллаһы танымырлар. Она ҝөрә дә онларын Аллаһы тәмсил етмәјә һаггы чатмыр. (1 Јәһја 4:8 ајәсини охујун.)
3. Аллаһ јалан динләрә неҹә јанашыр?
Әҝәр динләрин төрәтдикләри ишләр сизи гәзәбләндирирсә, бәс онда Јеһоваја неҹә тәсир едир? Јеһова инсанлары севир, амма Ону јанлыш тәмсил едән вә инсанларла пис рәфтар едән дин хадимләри Онда гәзәб ојадыр. Јеһова сөз верир ки, јалан динләри мәһв едәҹәк вә бу динләр «даһа һеч вахт тапылмајаҹаг» (Вәһј 18:21). Тезликлә Аллаһ онларын көкүнү кәсәҹәк (Вәһј 18:8).
Д Ә Р И Н Л И Ј Ә В А Р Ы Н
Јеһованын јалан динләрә мүнасибәти барәдә даһа чох өјрәнин. Ҝөрүн бу динләр һансы чиркин әмәлләри төрәдир вә нәјә ҝөрә бу сизи Јеһова һагда өјрәнмәкдән сахламамалыдыр.
4. Динләрин һамысы Аллаһы разы салмыр
Инсанларын чоху дүшүнүр ки, бүтүн динләр Аллаһа апарыр. Бәс бу, доғрудан да, беләдир? Мәтта 7:13, 14 ајәләрини охујун вә нөвбәти суалы мүзакирә един:
-
Һәјата апаран јол Мүгәддәс Китабда неҹә тәсвир олунур?
ВИДЕОЈА бахын вә нөвбәти суалы мүзакирә един:
-
Мүгәддәс Китаба әсасән, динләрин һамысы Аллаһын разылығыны газандырыр?
5. Јалан динләрдә Аллаһын мәһәббәти ҝөрүнмүр
Динләр бир чох әмәлләри илә инсанларда Аллаһ һаггында јанлыш тәсәввүр јарадыр. Бунлардан ән бетәри динин мүһарибәләрә гарышмасыдыр. Нүмунә үчүн ВИДЕОЈА бахын вә нөвбәти суаллары мүзакирә един:
-
Икинҹи Дүнја мүһарибәсиндә бир чох килсәләр һансы мөвгени тутмушду?
-
Онларын тутдуғу мөвге барәдә сиз нә дүшүнүрсүнүз?
Јәһја 13:34, 35 вә 17:16 ајәләрини охујун. Сонра нөвбәти суаллары мүзакирә един:
-
Сизҹә, динләрин мүһарибәләрә гарышмасы Јеһоваја неҹә тәсир едир?
-
Јалан динләр бир чох мәнфур әмәлләрә ҝөрә мәсулијјәт дашыјыр. Сиз нәдән ҝөрүрсүнүз ки, динләр «бир-биринизи севин» әмринә ујғун давранмыр?
Јалан динләр «бир-биринизи севин» әмринә зидд давраныр
6. Аллаһ инсанлары јалан динләрин әсарәтиндән азад етмәк истәјир
Вәһј 18:4 ајәсини охујун a вә нөвбәти суалы мүзакирә един:
-
Аллаһын инсанлары јалан динин әсарәтиндән азад етмәк истәмәси сиздә һансы һиссләри ојадыр?
7. Аллаһ һагда өјрәнмәјә давам един
Јалан динләрин чиркин әмәлләри вә тәлимләри сизи Аллаһдан сојутмалыдыр? Бир нүмунәјә бахаг. Оғул атасынын вердији өјүд-нәсиһәтә хор бахыб евдән ҝедир вә чиркин ишләрлә мәшғул олур. Амма ата оғлунун әмәлләриндән разы дејил. Дикбаш оғулун сүрдүјү һәјат тәрзинә ҝөрә атаны ҝүнаһландырмаг нә үчүн һагсызлыг оларды?
-
Јалан динләрин әмәлләринә ҝөрә Јеһованы ҝүнаһландырмаг вә Онун һаггында өјрәнмәји дајандырмаг нә дәрәҹәдә дүзҝүн оларды?
БӘЗИ ИНСАНЛАР ДЕЈИР: «Дин барәдә һеч нә ешитмәк истәмирәм. Чүнки бүтүн динләрдә ријакарлыг вар».
-
Сиз дә бу фикирдәсиниз?
-
Нәјә ҝөрә јалан динләрин әмәлләри Јеһоваја мүнасибәтимизә тәсир етмәмәлидир?
ИҸМАЛ
Јалан динләр тәлимләри вә мәнфур әмәлләри илә инсанларда Аллаһ һаггында јанлыш тәсәввүр јарадыр. Аллаһ јалан динләри мәһв едәҹәк.
Тәкрар
-
Јалан динләрин тәлимләри вә әмәлләри барәдә нә дүшүнүрсүнүз?
-
Јеһова јалан динләрә неҹә јанашыр?
-
Јалан динләрин агибәти неҹә олаҹаг?
Ә Л А В Ә М Ә Л У М А Т
Ҝөрүн әксәр динләр һансы ики сәбәбә ҝөрә Аллаһа мәгбул дејил.
«Бүтүн динләр ејнидир? Һамысы Аллаһа апарыр?» (интернет мәгаләси)
Нәјә ҝөрә Јеһова истәјир ки, биз Она башгалары илә бирҝә ибадәт едәк?
Кешишин аид олдуғу диндә хошуна ҝәлмәјән мәгамлар вар иди. Амма бу ону Аллаһ һагда һәгигәти өјрәнмәкдән сахламады.
«Кешиш килсәни нәјә ҝөрә тәрк етди?» («Ојанын!», феврал 2015)
Әсрләр әрзиндә динләрин сөјләдији јаланлар уҹбатындан бәзи инсанлар Аллаһын залым, лагејд олдуғуну дүшүнүр. Нөвбәти журналда бу јаланлардан үчү ифша олунур.
«Инсанлары Јарадандан узаглашдыран јаланлар» («Ҝөзәтчи гүлләси», 1 нојабр 2013)
a «Вәһј» китабында јалан динләр Бөјүк Бабил адлы гадын кими тәсвир олунур. Бунун сәбәбини билмәк үчүн 1-ҹи әлавәјә бахын.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
