ДӘРС 17

Иса Мәсиһин ҝөзәл хүсусијјәтләри

PLAY

Иса Мәсиһин вердији өјүдләрлә вә ҝөрдүјү ишләрлә таныш олдугҹа онун ҝөзәл хүсусијјәтләринә һејран галырыг. Бу исә биздә һәм она, һәм дә Атасы Јеһоваја јахынлашмаг истәји ојадыр. Бәс Исанын һансы ҝөзәл хүсусијјәтләри вар? Биз ондан неҹә өрнәк ала биләрик?

1. Иса Мәсиһ һансы мәнада Атасына бәнзәјир?

Иса милјард илләрдир ки, ҝөјдә јашајыр. Бу мүддәт әрзиндә о, Атасыны мүшаһидә едәрәк Ондан чох шеј өјрәниб. Буна ҝөрә дә Атасы кими дүшүнүр вә Атасы кими давраныр. (Јәһја 5:19 ајәсини охујун.) Иса Мәсиһ хасијјәтҹә Атасына о дәрәҹәдә бәнзәјир ки, бир дәфә демишди: «Мәни ҝөрән Атаны да ҝөрүб» (Јәһја 14:9). Исанын хүсусијјәтләри барәдә өјрәндикҹә Јеһованы даһа јахшы таныјаҹагсыныз. Мәсәлән, Исанын инсанлара ҝөстәрдији шәфгәтдән Јеһованын бизә һансы һиссләри дујдуғу ҝөрүнүр.

2. Иса Мәсиһин Јеһованы севдији нәдән ҝөрүнүр?

Иса демишди: «Атамы севдијими дүнја билсин дејә, һәр шеји Атамын мәнә бујурдуғу кими едирәм» (Јәһја 14:31). О һәтта чәтин олса белә, Атасына табе олурду вә бунунла да Ону бөјүк мәһәббәтлә севдијини ҝөстәрирди. Иса һәм дә инсанлара Атасы барәдә севә-севә данышырды, истәјирди ки, онлар да Атасы илә дост олсун (Јәһја 14:23).

3. Иса Мәсиһин инсанлары севдији нәдән ҝөрүнүр?

Мүгәддәс Китабда дејилир ки, бәшәр өвладлары Исанын көнлүнүн севинҹи иди (Мәсәлләр 8:31). Исанын мәһәббәти инсанлара сөзләри илә дајаг олмасындан, онлара фәдакарҹасына көмәк етмәсиндән ҝөрүнүрдү. Онун ҝөстәрдији мөҹүзәләрдән тәкҹә ҝүҹү јох, үрәјиндәки шәфгәт дә бәлли олурду (Марк 1:40—42). Иса һәр кәслә меһрибан вә гәрәзсиз рәфтар едирди. Онун сөзләри үрәјитәмиз инсанлара тәсәлли вә үмид верирди. Иса Мәсиһ бүтүн инсанлары севирди вә онлардан өтрү әзаб чәкмәјә, ҹанындан кечмәјә һазыр иди. Амма о, өјрәтдикләринә әмәл едән кәсләрә хүсуси мәһәббәт бәсләјир. (Јәһја 15:13, 14 ајәләрини охујун.)

Д Ә Р И Н Л И Ј Ә В А Р Ы Н

Исанын хүсусијјәтләри барәдә даһа чох өјрәнин. Ҝөрүн мәһәббәт вә сәхавәт ҝөстәрмәкдә ондан неҹә нүмунә ҝөтүрә биләрсиниз.

4. Иса Мәсиһ Атасыны севир

Иса Мәсиһин нүмунәсиндән өјрәнирик ки, Аллаһы севдијимизи неҹә ҝөстәрә биләрик. Лука 6:12 вә Јәһја 15:10; 17:26 ајәләрини охујун. Һәр ајәни охујандан сонра нөвбәти суалы мүзакирә един:

Иса Мәсиһи өрнәк алараг Аллаһы севдијинизи неҹә ҝөстәрә биләрсиниз?

Иса сәмави Атасыны севирди вә тез-тез Она дуа едирди

5. Иса Мәсиһин дарда оланлара үрәји јаныр

Иса башгаларынын еһтијаҹларыны өзүнүнкүндән үстүн тутурду. Һәтта јорғун оланда белә, инсанлардан вахтыны вә ҝүҹүнү әсирҝәмирди. Марк 6:30—44 ајәләрини охујун вә нөвбәти суаллары мүзакирә един:

Иса инсанларын гајғысына галдығыны неҹә ҝөстәрди? (31, 34, 41 вә 42-ҹи ајәләрә бахын.)
Иса нәјә ҝөрә инсанлара көмәк етди? (34-ҹү ајәјә бахын.)
Иса Мәсиһин Јеһоваја бәнзәдијини нәзәрә алсаг, бу ајәләрдән Јеһова барәдә нә өјрәнирсиниз?
Иса Мәсиһдән нүмунә ҝөтүрәрәк инсанларын гејдинә неҹә гала биләрсиниз?

6. Иса Мәсиһ сәхавәтлидир

Иса Мәсиһ варлы дејилди. Амма нәји вар идисә, инсанларла бөлүшүрдү. О һамыны сәхавәтли олмаға сәсләјирди. Һәвариләрин ишләри 20:35 ајәсини охујун вә нөвбәти суалы мүзакирә един:

Иса Мәсиһин сөзләринә әсасән, инсан неҹә хошбәхт ола биләр?

ВИДЕОЈА бахын вә нөвбәти суалы мүзакирә един:

ВИДЕО: «Вермәк алмагдан даһа чох хошбәхтлик ҝәтирир» Фрагмент (4:00)

Һәтта варлы олмасаг да, неҹә сәхавәт ҝөстәрә биләрик?

Билирсиниз?

Мүгәддәс Китабда јазылыб ки, Јеһоваја Иса Мәсиһин ады илә дуа етмәлијик. (Јәһја 16:23, 24 ајәләрини охујун.) Ахы Јеһова илә достлуғумуз Онун сајәсиндә мүмкүн олуб. Буна ҝөрә дә Исанын ады илә дуа едәндә онун етдикләрини гијмәтләндирдијимизи ҝөстәририк.

БӘЗИ ИНСАНЛАР ДЕЈИР: «Әзаблар Аллаһын сынағыдыр».