ДӘРС 25
Аллаһын бизимлә бағлы нијјәти нәдир?
Мүгәддәс Китабда дејилир ки, инсанын «өмрү ҝөдәкдир, әзаб-әзијјәтлә долудур» (Әјјуб 14:1). Доғруданмы, Аллаһ бизим белә јашамағымызы истәјир? Мүгәддәс Китабдан өјрәнирик ки, бу һеч дә белә дејил. Бәс онда Аллаһын бизимлә бағлы нијјәти нәдир? Онун нијјәти нә вахтса һәјата кечәҹәк? Ҝәлин бу суалларын ҹавабыны Мүгәддәс Китабдан тапаг.
1. Јеһова бизә неҹә бир һәјат арзу едир?
Јеһова бизим хошбәхт јашамағымызы истәјир. О, илк инсанлары, Адәмлә Һәвваны ҹәннәтдә, Әдән адлы ҝөзәл бағда јаратмышды. Мүгәддәс Китабда дејилир: «Сонра Аллаһ онлара хејир-дуа верәрәк деди: “Төрәјиб чохалын, бүтүн јер үзүнү долдурун вә она саһиб олун”» (Јарадылыш 1:28). Јеһова истәјирди ки, Адәмлә Һәвванын өвладлары олсун, онлар бүтүн јер үзүнү ҹәннәтә чевирсинләр вә һејванларын гејдинә галсынлар. Аллаһын нијјәти о иди ки, инсанлар әбәдијјән хошбәхт вә сағлам јашасынлар.
Дүздүр, биз бу ҝүн белә јашамырыг a. Амма Аллаһын нијјәти дәјишмәјиб (Әшија 46:10, 11). О һәлә дә истәјир ки, итаәткар инсанлар әбәдијјән фираван јашасынлар. (Вәһј 21:3, 4 ајәләрини охујун.)
2. Бу ҝүн мәналы һәјат сүрмәк үчүн нә едә биләрик?
Бизим Аллаһы танымаға, Она ибадәт етмәјә еһтијаҹымыз вар. Чүнки О бизи белә јарадыб. (Мәтта 5:3—6 ајәләрини охујун.) Јеһова истәјир ки, биз Онунла дост олаг, јәни Онун јолу илә ҝедәк, Ону севәк, бүтүн гәлбимизлә Она хидмәт едәк (Ганунун тәкрары 10:12; Зәбур 25:14). Бу ҹүр јашајанда проблемләрә бахмајараг, хошбәхт олуруг. Јеһоваја ибадәт етмәк һәјатымызы мәналы едир, чүнки бунунла биз Аллаһы разы салырыг.
Д Ә Р И Н Л И Ј Ә В А Р Ы Н
Ҝөрүн Јеһова Јер күрәсини неҹә бөјүк мәһәббәтлә јарадыб вә Онун Кәламында һәјатын мәнасы барәдә нә дејилир.
3. Јеһованын инсанларла бағлы ҝөзәл нијјәти вар
ВИДЕОЈА бахын вә нөвбәти суалы мүзакирә един:
-
Аллаһ нәјә ҝөрә Јер күрәсини белә еҹазкар јарадыб?
Ваиз 3:11 ајәсини охујун вә нөвбәти суалы мүзакирә един:
-
Бу ајәдән Јеһованын инсанларла бағлы нијјәти барәдә нә өјрәнирсиниз?
4. Јеһованын нијјәти дәјишмәјиб
Зәбур 37:11, 29 вә Әшија 55:11 ајәләрини охујун. Сонра нөвбәти суалы мүзакирә един:
-
Һарадан билирик ки, Јеһованын инсанларла бағлы нијјәти дәјишмәјиб?
Учуг-сөкүк еви јенидән тәмир етмәк мүмкүндүр. Инсанларын тәләф етдији Јер күрәсини дә Аллаһ мөмин бәндәләри үчүн бәрпа едәҹәк
5. Јеһоваја ибадәт етмәк һәјатымызы мәналы едир
Һәјатын мәнасыны билмәк бизә хошбәхтлик ҝәтирир. ВИДЕОЈА бахын вә нөвбәти суалы мүзакирә един:
-
Һәјатын мәнасыны билмәк Теруминин һәјатына неҹә рәнҝ гатды?
Ваиз 12:13 ајәсини охујун вә нөвбәти суалы мүзакирә един:
-
Јеһованын етдији јахшылыгларын мүгабилиндә биз нә етмәјә борҹлујуг?
БӘЗИ ИНСАНЛАР СОРУШУР: «Инсан бу дүнјаја нијә ҝәлиб?»
-
Сиз неҹә ҹаваб верәрдиниз?
ИҸМАЛ
Јеһова истәјир ки, биз јер үзүндә әбәдијјән фираван јашајаг. Јеһоваја бүтүн гәлбимизлә ибадәт етмәк һәјатымызы мәналы едир.
Тәкрар
-
Јеһованын Адәмлә Һәвваны јаратмагда мәгсәди нә иди?
-
Һарадан билирик ки, Јеһованын инсанларла бағлы нијјәти дәјишмәјиб?
-
Һәјатын мәнасыны неҹә тапмаг олар?
Ә Л А В Ә М Ә Л У М А Т
Әдән бағынын мөвҹуд олдуғуна һансы сүбутлар вар?
«Еден бағы. Әфсанәдир, јохса һәгигәт?» («Ҝөзәтчи гүлләси», јанвар—март 2011)
Нәјә ҝөрә әмин ола биләрик ки, Јер күрәси әбәдијјән галаҹаг?
«Јер күрәси дағылаҹаг?» (интернет мәгаләси)
Мүгәддәс Китабда һәјатын мәнасы барәдә нә дејилир?
Ҝөрүн һеч нәдән корлуг чәкмәјән бир инсанын һәјатында нә чатышмырды.
a Нөвбәти дәрсдә бунун сәбәбини өјрәнәҹәксиниз.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
