ДӘРС 37

Ишә вә пула дүзҝүн мүнасибәт

PLAY

Нә вахтса ишә вә ја пула ҝөрә нараһат олмусунуз? Бәзән һәм мадди тәләбатларымызын гејдинә галмаг, һәм дә Јеһоваја бујурдуғу кими ибадәт етмәк чәтин олур. Мүгәддәс Китабда бунунла бағлы ҝөзәл мәсләһәтләр вар.

1. Мүгәддәс Китабда иш барәдә нә дејилир?

Аллаһ истәјир ки, иш бизә севинҹ ҝәтирсин. Мүгәддәс Китабда дејилир: «Инсан үчүн... зәһмәтиндән зөвг алмагдан јахшы шеј јохдур» (Ваиз 2:24). Јеһова зәһмәткеш Аллаһдыр. Биз дә, Јеһова кими, зәһмәткеш оланда Онун рәғбәтини газанырыг вә мәмнунлуг дујуруг.

Ишләмәк ваҹибдир. Амма биз һеч вахт иши Јеһоваја ибадәтдән үстүн тутмамалыјыг (Јәһја 6:27). Јеһова вәд едир ки, Ону һәр шејдән үстүн тутсаг, О бизим рузимизи јетирәҹәк.

2. Пула неҹә јанашмалыјыг?

Мүгәддәс Китабда јазылыб ки, пул инсанын сипәридир. Амма орада һәмчинин дејилир ки, тәкҹә пулла хошбәхт ола билмәрик (Ваиз 7:12). Буна ҝөрә дә Аллаһ бизә пулпәрәст олмамағы, нәјимиз варса она гане олмағы мәсләһәт ҝөрүр. (Ибраниләрә 13:5 ајәсини охујун.) Әҝәр биз нәјимиз варса она гане олуругса, даима нәјинсә чатышмадығыны дүшүнүб, мәјус олмуруг. Лазымсыз јерә борҹа ҝирмирик (Мәсәлләр 22:7). Бундан башга, гумар ојнамырыг, асан јоллара әл атараг тез варланмаг севдасына дүшмүрүк. Беләҹә, өзүмүзү бир чох бәладан горујуруг.

3. Пулумуздан сәхавәтлә неҹә истифадә едә биләрик?

Јеһова сәхавәтли Аллаһдыр. Биз сәхавәтли оланда, әл тутмаға һазыр оланда Онун кими даврандығымызы ҝөстәририк (1 Тимутијә 6:18). Биз пулумуздан сәхавәтлә истифадә едиб јығынҹаг ишләрини дәстәкләјә биләрик вә ја көмәјә еһтијаҹы оланлара, хүсусән дә диндашларымыза әл тута биләрик. Јеһова үчүн ән ваҹиби нә гәдәр вермәјимиз јох, һансы нијјәтлә вермәјимиздир. Биз үрәкдән верәндә һәм өзүмүз севинирик, һәм дә Јеһованын разылығыны газанырыг. (Һәвариләрин ишләри 20:35 ајәсини охујун.)

Д Ә Р И Н Л И Ј Ә В А Р Ы Н

Ҝөрүн ишә дүзҝүн јанашмағын вә нәјимиз варса она гане олмағын һансы фајдасы вар.

4. Ҝөрдүјүнүз ишлә Јеһованы шәрәфләндирин

Јеһова илә олан достлуғумуз ишә мүнасибәтимизә дә тәсир етмәлидир. ВИДЕОЈА бахын вә нөвбәти суаллары мүзакирә един:

ВИДЕО: «Јеһова үчүн ҹанла-башла чалышын» (4:39)

Ҹејсонун ишә мүнасибәтиндә вә ишдәки давранышында нә хошунуза ҝәлди?
О, ишин һәјатында өн плана кечмәмәси үчүн нә едирди?

Колослулара 3:23, 24 ајәләрини охујун вә нөвбәти суалы мүзакирә един:

Ишә мүнасибәтимиз нәјә ҝөрә ваҹиб мәсәләдир?

Ишләмәк ваҹибдир. Амма биз һеч вахт иши Јеһоваја ибадәтдән үстүн тутмамалыјыг

5. Нәјимиз варса она гане олмағын фајдалары

Бир чохлары дүшүнүр ки, пул нә гәдәр чох олса, о гәдәр јахшыдыр. Амма Мүгәддәс Китабда башга мәсләһәт верилир. 1 Тимутијә 6:6—8 ајәләрини охујун вә нөвбәти суалы мүзакирә един:

Мүгәддәс Китаб бизә һансы мәсләһәти верир?

Һәтта касыб олсаг да, хошбәхт ола биләрик. ВИДЕОЈА бахын вә нөвбәти суалы мүзакирә един:

ВИДЕО: «Нәјиниз варса она гане олун» (3:20)

Видеодакы аиләләр касыб олсалар да, нәјә ҝөрә хошбәхтдирләр?

Бәзән һәр шејимиз ола-ола јенә дә артығыны истәјирик. Иса Мәсиһ бунун тәһлүкәли олдуғуна даир бир мәсәл чәкмишди. Лука 12:15—21 ајәләрини охујун вә нөвбәти суалы мүзакирә един:

Исанын мәсәлиндән нә өјрәндиниз? (15-ҹи ајәјә бахын.)

Мәсәлләр 10:22 вә 1 Тимутијә 6:10 ајәләрини охујуб мүгајисә един. Сонра нөвбәти суаллары мүзакирә един:

Сизҹә, нә даһа ваҹибдир: Јеһова илә дост олмаг, јохса варлы олмаг? Нәјә ҝөрә белә дүшүнүрсүнүз?
Пул далынҹа гачмаг һансы проблемләрә сәбәб олур?

6. Јеһова зәрури тәләбатларымызы өдәјәҹәк

Ишлә вә ја пулла бағлы чәтинликләр јарананда Јеһоваја нә гәдәр ҝүвәндијимиз бәлли олур. ВИДЕОЈА бахын вә ҝөрүн бу ҹүр иман сынагларынын өһдәсиндән неҹә ҝәлә биләрик. Сонра нөвбәти суаллары мүзакирә един: